گازوحيميا سالاسىنىڭ كوشباسشىسى جاڭا جۇمىس ورىندارىن اشىپ، وتاندىق ونەركاسىپتى دامىتۋدا
استانا. KAZINFORM - وتاندىق گازوحيميا سالاسىنىڭ كوشباسشىسى «Kazakhstan Petrochemical Industries Inc.» (KPI) كاسىپورنى پوليپروپيلەن ءوندىرىسىن ۇلعايتىپ، جەرگىلىكتى تۇرعىندار ءۇشىن جاڭا جۇمىس ورىندارىن اشۋدا.
بۇگىنگى تاڭدا زاۋىتتا 630 ادام ەڭبەك ەتۋدە، ولاردىڭ %80- دان استامى - جەرگىلىكتى تۇرعىندار.
«ءبىز تەك ءوندىرىستى دامىتىپ قانا قويماي، جەرگىلىكتى مامانداردى دايارلاۋعا دا باسا نازار اۋدارامىز. قازاقستاندىق جوعارى وقۋ ورىندارىمەن تىعىز بايلانىستا جۇمىس ىستەپ كەلەمىز»، - دەيدى كاسىپورىن وكىلدەرى.
كومپانيا قىزمەتىنىڭ تيىمدىلىگىن ساندار دا راستاپ وتىر. سوڭعى ەكى جىلدا قازاقستانعا پوليپروپيلەن يمپورتى %63- دان %17- عا دەيىن تومەندەگەن. 2025 -جىلدىڭ باسىندا كاسىپورىن تاعى ءبىر ماڭىزدى قادام جاساپ، پوليپروپيلەننىڭ ەكى جاڭا ماركاسىن شىعارا باستادى.
وتاندىق وڭدەۋشىلەرگە قولداۋ كورسەتۋ ماقساتىندا KPI الماتى مەن استانادا ءىرى قويمالار اشتى. قازىرگى تاڭدا «فورساجي» باعدارلاماسى اياسىندا ەلدەگى 80 پوليمەر وڭدەۋشىنىڭ 70- ءى كومپانيامەن سەرىكتەستىك ورناتقان.
2022 -جىلى ىسكە قوسىلعان KPI گازوحيميا كەشەنى - «قازمۇنايگاز» ۇ ك ا ق مەن رەسەيلىك سيبۋر كومپانياسىنىڭ بىرلەسكەن جوباسى. سالىنعان ينۆەستيتسيالار مەن وزىق تەحنولوگيالار كاسىپورىنعا ءوندىرىستى تۇراقتى دامىتۋعا مۇمكىندىك بەرىپ، ەل ەكونوميكاسىن نىعايتۋعا ءوز سەپتىگىن تيگىزۋدە.
