«گازپروم» قازاقستاننىڭ سولتۇستىك جانە شىعىس اۋداندارىن گازداندىرۋعا دايىن - ۆلاديمير پۋتين
رەسەي پرەزيدەنتى ۆلاديمير پۋتين «كازپراۆدا» گازەتىنە بەرگەن سۇحباتىندا قازاقستان مەن رەسەي اراسىنداعى ەنەرگەتيكا، گاز تاسىمالداۋ تۋرالى ايتىپ بەردى، دەپ حابارلايدى Kazinform.
«تابيعات پەن گەوگرافيا رەسەي مەن قازاقستانعا ەنەرگەتيكا سالاسىندا ايتارلىقتاي باسەكەلەس بولا الاتىنداي ارتىقشىلىق بەرەدى، ولاردى ءبىز ءوز ازاماتتارىمىزدىڭ يگىلىگى ءۇشىن بارىنشا پايدالانۋعا تىرىسامىز. ءبىزدىڭ جەتەكشى «گازپروم»، «روسنەفت»، «لۋكويل»، «تاتنەفت» كومپانيالارى قازاقستاننان كەلگەن سەرىكتەستەرمەن بىرگە كەن ورىندارىن يگەرۋدە، ەنەرگيا رەسۋرستارىن وڭدەۋ بويىنشا بىرلەسكەن كاسىپورىندار سالۋدا. ولار ءوزارا ءتيىمدى ىنتىماقتاستىقتى ارتتىرۋدى جوسپارلاپ وتىر. گاز سالاسىنداعى ءوزارا ءىس- قيمىلدى كەڭ پەرسپەكتيۆالار اشادى. بۇل كوپتەگەن جىلدار بويى قالىپتاسقان رەسەي مەن ورتا ازياداعى گاز تاسىمالداۋ جانە گاز تاراتۋ جۇيەلەرىنىڭ ينفراقۇرىلىمى مەن مارشرۋتتارىمەن، ەكىجاقتى جانە كوپجاقتى نەگىزدە ۇيلەستىرۋدىڭ جوعارى دەڭگەيىمەن تۇسىندىرىلەدى»، - دەدى ۆلاديمير پۋتين سۇحبات بارىسىندا.
ەسكە سالا كەتسەك، 7- قازاندا قازاقستان مەن وزبەكستان پرەزيدەنتتەرىمەن بىرگە قازاقستان اۋماعى ارقىلى وزبەكستانعا رەسەيلىك تابيعي گازدى جەتكىزۋ كەلىسىلدى.
«بۇل باعىت قولدا بار گاز تاسىمالداۋ جەلىلەرىن بارىنشا ءتيىمدى پايدالانۋعا مۇمكىندىك بەرەدى، ءۇش ەلدىڭ عانا ەمەس، بۇكىل ورتالىق ازيا ءوڭىرىنىڭ دامۋىنا ىقپال ەتەتىن بولادى. بولاشاقتا تۇركىمەنستاننان كەلگەن ارىپتەستەرىمىزبەن دە كەڭەس وتكىزگەن ءجون دەپ سانايمىز. ولار ءداستۇرلى تۇردە وسى نارىققا قاتىسادى. جانە ولاردىڭ مۇنداي ءوزارا ارەكەتتەسۋگە قوسىلۋى ورتاق مۇددە. قازاقستانعا كەلەتىن بولساق، رەسەي بيىل 18 - قاڭتاردا قول قويىلعان «گازپروم» مەن قازاقستان ۇكىمەتىنىڭ گاز سالاسىنداعى ىنتىماقتاستىق جونىندەگى «جول كارتاسىنا» سايكەس ونىڭ سولتۇستىك جانە شىعىس اۋداندارىن گازداندىرۋعا كومەكتەسۋگە دايىن. قازىرگى ۋاقىتتا ءتيىستى گاز تاسىمالداۋ ينفراقۇرىلىمىن جوندەۋدىڭ ءارتۇرلى نۇسقالارى پىسىقتالۋدا»، - رەسەي پرەزيدەنتى.
