ازەربايجاندا ەسىرتكى تاسىمالداۋ ارناسىنىڭ جولى كەسىلدى

مەملەكەتتىك شەكارا قىزمەتىنىڭ حابارلاۋىنشا، 31-ناۋرىزدا گوراديز شەكارا وتريادىنىڭ اۋماعىندا قىزمەتكەرلەر يران شەكاراسىنان ازەربايجان باعىتىنا ءوتىپ بارا جاتقان ءتارتىپ بۇزۋشىلاردى بايقاعان.

ءتارتىپ بۇزۋشىلار شەكاراشىلار بۇيرىعىنا باعىنباي، قولىنداعى سومكەنى تاستاپ، ايماقتان قاشۋعا ارەكەتتەنگەن.

جەدەل تەرگەۋ شارالارى ناتيجەسىندە شەكاراشىلار يران ازاماتى رامازان ءاديلليدى ۇستادى. ول 10 كەلىدەن استام ماريحۋانامەن ازەربايجان شەكاراسىن زاڭسىز كەسىپ وتپەك بولعان.

سونىمەن قاتار، شەكاراشىلار ر. ءاديلليدىڭ سىبايلاسى بولعان ازەربايجان ازاماتتارى راسيم اتاكيشييەۆ پەن راميل مۋحاممەدتى قولعا ءتۇسىردى.

6-ناۋرىز كۇنى ازەربايجان شەكاراشىلارى ءدال وسى جەردەن 11 كەلى 250 گرامم ەسىرتكى تاسىمالداۋشىنى ۇستاعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى