ازەربايجاندا ەلەكتر كولىگى تۋرالى اقپاراتتاردى ۇسىنۋ مىندەتتەلەدى

جاڭا ەرەجەگە سايكەس، شاعىن كولەمدى ەلەكتروموبيلدەر وپەراتورلارى زاڭدى تۇلعانىڭ اتاۋىن، سالىق تولەۋشىنىڭ نەمەسە جەكە كاسىپكەردىڭ ج س ن-ىن، سونداي-اق وندىرۋشىلەر مەن وپەراتورلار ءى ءى م مەملەكەتتىك جول پوليتسياسىنىڭ باس باسقارماسىنا جانە ازەربايجاننىڭ سيفرلىق دامۋ جانە كولىك مينيسترلىگىنە بەرگەن سايكەستەندىرۋ دەرەكتەرىن ۇسىنۋعا مىندەتتى.

سونىمەن قاتار، وپەراتورلار جەكە كۋالىك ءنومىرى، جونەلتۋ ورنى جانە باراتىن جەرى، ۋاقىتى مەن كۇنى، باعىتى جانە جىلدامدىعى سياقتى دەرەكتەردى ۇسىنۋعا مىندەتتى.

بۇل قادامدار قاۋىپسىزدىك پەن پايدالانۋ ستاندارتتارىنىڭ ساقتالۋىن قامتاماسىز ەتە وتىرىپ، شاعىن ەلەكتر كولىكتەرىنىڭ مونيتورينگى مەن باقىلاۋىن كۇشەيتۋگە ارنالعان جول قوزعالىسى تۋرالى زاڭنىڭ 46-2-بابىنا سايكەس كەلەتىنى ايتىلدى.

ماماندار ەرەجە قالالىق جول ءجۇرۋ ەرەجەسىن باسقارۋدى كۇشەيتەدى، تۇراقتى كولىك باستامالارىن قولدايدى جانە قاۋىپسىزدىكتى ارتتىرادى دەپ سانايدى.

ازەربايجاندىق ساراپشى راۋف اگاميرزايەۆ بۇل باستامالار وپەراتورلارعا، سونىڭ ىشىندە Bolt ،Wingz ،Apar جانە ت. ب. قوسا العاندا، ميكروموبيلدى كولىكتەردى جالعا بەرەتىن كومپانيالارعا كوبىرەك قاتىستى دەپ سانايدى.

ونىڭ ايتۋىنشا، بىلتىرعى ستاتيستيكا بويىنشا ازەربايجاندا تۇرعىنداردىڭ %60 عا جۋىعى قىسقا قاشىقتىققا - 1,5 تەن 3 شاقىرىمعا دەيىن اۆتوكولىكپەن، نەگىزىنەن تاكسيمەن ءجۇرىپ وتكەن. ميكروموبيلدىك جولدار مەن ۆەلوجول جەلىلەرىنىڭ كەڭ تاراۋىنا بايلانىستى بۇل پايىز تومەندەدى.

- ميكروموبيلدىلىك - باكۋ ءۇشىن جاڭالىق. ادامداردىڭ وسى قۇرالدارمەن ساياحاتتاۋعا مۇمكىندىگى بولسا، بۇل قالالىق كولىك جۇيەسىنە وڭ اسەرىن تيگىزەدى، - دەپ تۇيىندەدى ول.

وسىعان دەيىن قازاقستان اۋماعىندا ەلەكتروموبيل سانى 11 مىڭعا جەتكەنى تۋرالى جازدىق.

ەركەجان سماعۇلوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى