ازەربايجان مەن ارمەنيا ءبىر-ءبىرىن وق اتتى دەپ ايىپتادى

ازەربايجان رەسپۋبليكاسى قورعانىس مينيسترلىگىنىڭ مالىمەتىنشە، قارۋلى كۇشتەردىڭ ناحچىۆان باعىتىنداعى پوزيتسيالارىنا وق جاۋدىرىلدى.

«1 -ءساۋىر كۇنى ساعات 22:00-دەن 22:20-عا دەيىن ارمەنيا قارۋلى كۇشتەرىنىڭ دەۆەلي اۋدانىنىڭ ارازدەيەن جانە گاراكيلسە اۋدانىنىڭ سايبالى ەلدى مەكەندەرى باعىتىنداعى بولىمشەلەرى پوزيتسيالارىنان ازەربايجان ارمياسىنىڭ ساداراك اۋدانىنداعى گەيداراباد جانە ناحچىۆان اۆتونوميالىق رەسپۋبليكاسى شاحبۋز اۋدانىنىڭ بيچەنەك ەلدى مەكەندەرى باعىتىندا وق اتىلدى»، - دەلىنگەن حابارلامادا.

ارمەنيا تاراپى ازەربايجان قورعانىس مينيسترلىگىنىڭ حابارلارىن جوققا شىعاردى.

«ازەربايجان قورعانىس مينيسترلىگىنىڭ 1- ءساۋىر كۇنى ساعات 22:00-دەن 22:10-عا دەيىن ارمەنيا قارۋلى كۇشتەرىنىڭ بولىمشەلەرى شەكارالىق ايماقتىڭ وڭتۇستىك-باتىس بولىگىندە ورنالاسقان ازەربايجان پوزيتسيالارىنا وق جاۋدىردى دەگەن اقپارات شىندىققا جاناسپايدى.

سونىمەن بىرگە، ازەربايجان قارۋلى كۇشتەرىنىڭ بولىمشەلەرى 1- ساۋىردە ساعات 22:00-دە كۋت اۋىلى (گەگاركۋنيك وبلىسى) اۋدانىندا جانە 2- ساۋىردە ساعات 00:40-تا تەح اۋىلى (سيۋنيك وبلىسى) اۋدانىندا ارميان پوزيتسيالارىنا وق جاۋدىرعانىن حابارلايمىز»، - دەلىنگەن ارمەنيا ق م مالىمدەمەسىندە.

ەسكە سالا كەتسەك، 31-ناۋرىزدا ازەربايجان قورعانىس مينيسترلىگى شۇعىل حابارلاما تاراتىپ، وندا ارمەنيا-ازەربايجان شارتتى شەكاراسىنىڭ ءارتۇرلى باعىتتارىندا اسكەري بەلسەندىلىكتىڭ ارتقانى تۋرالى شۇعىل حابارلاما تاراتتى. حابارلامادا ارمەنيا تاراپى ارتيللەريالىق جۇيەلەر مەن باسقا دا شابۋىل قارۋلارى ءۇشىن تەمىربەتون بەكىنىستەرىن ورناتىپ جاتقانى اتاپ ءوتىلدى.

بۇعان دەيىن 17-اقپاندا ازەربايجان پرەزيدەنتى يلحام الييەۆ پەن ارمەنيا پرەمەر-ءمينيسترى نيكول پاشينيان ميۋنحەندە وتكەن كەزدەسۋدە ەكى ەل اراسىنداعى بەيبىت كەلىسىم بويىنشا جۇمىستى جالعاستىرۋعا كەلىستى.

اۆتور

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى