ازەربايجان ارمەنيانى بەيبىت كەلىسىمدى جۇزەگە اسىرۋ ءۇشىن كەلىسسوزدەردى جانداندىرۋعا شاقىردى
ازەربايجاننىڭ سىرتقى ىستەر مينيسترلىگى ارمەنيا تاراپىن بەيبىت كەلىسىمدى جۇزەگە اسىرۋ ءۇشىن كەلىسسوزدەردى جانداندىرۋعا شاقىردى، دەپ حابارلايدى Kazinform.
«ازەربايجاننىڭ بەيبىت كەلىسىم جوباسى جونىندەگى ۇسىنىسىنا ارمەنيانىڭ ەكى ايدان كەيىن جاۋاپ بەرۋى بۇل پروتسەستىڭ جۇزەگە اسۋىنا ايتارلىقتاي كەدەرگى بولىپ وتىر. بەيبىت كەلىسسوزدەر بارىسىنداعى بۇل كىدىرىس وڭىردەگى تۇراقتىلىق پەن وركەندەۋگە كەرى اسەر ەتەدى. ازەربايجان بەيبىت كەلىسىمدى جەدەل اياقتاۋ ءۇشىن ارمەنيامەن ەكىجاقتى نەگىزدە تىكەلەي كەلىسسوزدەر جۇرگىزۋگە دايىن. ءبىز ەكى مەملەكەت وزدەرىنىڭ بولاشاق قارىم- قاتىناستارى تۋرالى شەشىمدى بىرگە قابىلداۋى كەرەك دەپ ەسەپتەيمىز. بەيبىت ۇدەرىستىڭ جالعاسۋىنا ەكى مەملەكەت تە جاۋاپتى. ءبىز ارميان تاراپىن ءتيىمسىز كىدىرىستەرگە جول بەرمەۋگە شاقىرامىز جانە ولار ءبىزدىڭ كەلىسسوزدەردى جەدەل تۇردە قايتا باستاۋعا دەگەن ۇسىنىسىمىزدى قابىل الادى دەگەن ۇمىتتەمىز»، - دەلىنگەن ازەربايجان رەسپۋبليكاسى سىرتقى ىستەر مينيسترلىگىنىڭ حابارلاماسىندا.
وسىعان دەيىن ارمەنيا مەن ازەربايجاننىڭ قارىم- قاتىناستى قالپىنا كەلتىرۋ مەن بەيبىتشىلىكتى قالىپتاستىرۋ ءۇشىن 3 ۇستانىمدى ءوزارا كەلىسكەنى حابارلانعان بولاتىن.
اۆتور
ايدار وسپاناليەۆ
