ازات پەرۋاشەۆ: قۋاندىق بيشىمبايەۆ - ءبىلىمدى ادام، ءبىراق «ەلگە قىزمەت ەتۋ بىلىمنەن ەمەس، مىنەزدەن»
ءماجىلىس دەپۋتاتى ازات پەرۋاشەۆ ب ا ق وكىلدەرىنىڭ ساۋالىنا بەرگەن جاۋابىندا كىسى ءولتىردى دەگەن كۇدىكپەن ۇستالعان ەكس-شەنەۋنىك قۋاندىق بيشىمبايەۆتىڭ مىنەزى تۋرالى پىكىر ءبىلدىردى، دەپ حابارلايدى Kazinform اگەنتتىگى.
«ايەلىن ءولتىردى دەگەن كۇدىكپەن ۇستالعان ەكس-شەنەۋنىك قۋاندىق بيشىمبايەۆتى جەكە تانيتىن با ەدىڭىز؟ سىزگە ول قانداي ادام رەتىندە كورىنىپ ەدى؟»، - دەپ سۇرادى ب ا ق وكىلى «قازاقستاندىق قامتۋ 2.0» حالىقارالىق فورۋمىنىڭ الدىندا.
دەپۋتات ونى جەكە تانىعانىن، ەكونوميكالىق ءبىلىمى جوعارى ادام رەتىندە بىلەتىنىن ايتتى.
«ءيا. ەندى ول، بىرىنشىدەن، ءبىلىمدى ادام. ەكونوميكا، ودان كەيىن مىنا ءتىل جاعىنان ءبىلىمدى ادام. ءبىراق ءاليحان بوكەيحان ايتقان ءسوز بار عوي: «ەلگە قىزمەت ەتۋ بىلىمنەن ەمەس، مىنەزدەن». مىنەزى قانداي ەكەنىن ول قازىر كورسەتتى عوي. سوندىقتان مەن وعان سوت بولا المايمىن. حالىق وعان سوت بولسىن. سوت ول جايىندا شەشىم شىعارسىن»، - دەدى ءماجىلىس دەپۋتاتى.
سونداي-اق، ول مۇنداي كەلەڭسىزدىكتىڭ ار جاعىندا تاربيەدەگى كەلەڭسىزدىك جاتۋى مۇمكىن ەكەنىن دە ايتتى.
«مەنىڭشە، ءبىز بالالارىمىزعا ءبىلىم بەرەيىك دەسەك، ولارعا دۇرىس باعىت بەرەيىك دەسەك، ەڭ الدىمەن تاربيەمەن اينالىسۋىمىز كەرەك سياقتى»، - دەدى ازات پەرۋاشەۆ.
اۆتور
ەسىمجان ناقتىباي
