ازاماتتىق اۆياتسيا اكادەمياسىنا ەرەكشە مارتەبە بەرىلمەك

بۇل تۋرالى سەنات دەپۋتاتتارىنىڭ ساۋالىنا پرەمەر-مينيستر ولجاس بەكتەنوۆتىڭ جاۋابىندا ايتىلعان.

- كولىك مينيسترلىگى مۇددەلى مەملەكەتتىك ورگاندارمەن بىرلەسىپ ازىرلەپ جاتقان اكادەميانى دامىتۋ جونىندەگى جول كارتاسىنىڭ اياسىندا وسى جىلدىڭ سوڭىنا دەيىن وعان ەرەكشە مارتەبە بەرۋ ءىس-شاراسى كوزدەلگەن. بۇدان باسقا، جول كارتاسىندا اۆياتسيالىق زەرتتەۋلەر عىلىمي-زەرتتەۋ ينستيتۋتى مەن پيلوتسىز اۆياتسيا ورتالىعىن قۇرۋ، جاساندى ينتەللەكتتى قولدانا وتىرىپ، سالانى سيفرلاندىرۋ، ۇشۋ مەكتەبىن قاجەتتى ينفراقۇرىلىممەن قامتاماسىز ەتۋ جونىندەگى ءىس-شارالار جانە تاعى باسقالارى ەنگىزىلگەن، - دەدى ۇكىمەت باسشىسى جاۋابىندا.

ونىڭ دەرەگىنشە، اكادەميانىڭ پروفەسسور-وقىتۋشىلار قۇرامى - 126 قىزمەتكەر، ولاردىڭ 38 ءىنىڭ عىلىمي دارەجەسى بار جانە 6 ۋى اۆياتسيا سالاسىندا قىزمەت ەتىپ جۇرگەن ماماندار. وقىتۋدى تاجىريبەلى ماماندار - Boeing-767/757 ،Airbus-319/320/321 اۋە كەمەلەرىنىڭ ۇشقىشتارى مەن كومانديرلەرى جۇرگىزەدى. ولاردىڭ جالپى ۇشۋ ۋاقىتى 15 مىڭ ساعاتتان اسادى. سونىمەن قاتار، اكادەميادا جىل سايىن شەتەلدىك عالىمدار ءدارىس وقىپ، بىرلەسكەن عىلىمي-ادىستەمەلىك جۇمىستارعا تارتىلاتىن تاجىريبە الماسۋ باعدارلامالارى جۇمىس ىستەيدى.

- سونداي-اق اكادەميانىڭ ءبىلىم بەرۋ ستراتەگياسى اياسىندا حالىقارالىق اۆياتسيالىق ورتالىقتاردا وقىتۋدى ۇيىمداستىرۋ ارقىلى وقىتۋشىلار تۇراقتى نەگىزدە بىلىكتىلىگىن ارتتىرادى. مۇنان بولەك، ەلدىڭ نەگىزگى اۆياكاسىپورىندارى («Air Astana» ا ق، «SCAT» ا ق جانە «قازاەروناۆيگاتسيا» ر م ك) مەنشىكتى قاراجاتى ەسەبىنەن تۇراقتى تۇردە كادرلاردى قايتا دايارلاۋدى (شەتەلدە ماماندار وقىتۋ) جۇرگىزەدى، - دەدى پرەمەر-مينيستر.

بۇعان دەيىن ەلىمىزدە ازاماتتىق اۆياتسيانى دامىتۋ ستراتەگياسى قاشان قۇرىلاتىنى ايتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى