گازاداعى قۇرباندار سانى 44580 گە جەتتى
استانا. KAZINFORM - سوڭعى 24 ساعاتتا يزرايلدىڭ گازاداعى شابۋىلدارىنان 48 ادام قازا تاپقان. بۇل تۋرالى انادولى حابار بەردى.
2023-جىلدىڭ 7-قازانىنان بەرى 426 كۇن ىشىندە يزرايلدىڭ گازا سەكتورىندا جاساعان گەنوتسيدىنىڭ سالدارىنان قازا تاپقانداردىڭ جالپى سانى 44580 گە، جارالانعاندار سانى 105739 عا ءوستى، دەپ حابارلادى پالەستينانىڭ گازا سەكتورىنداعى دەنساۋلىق ساقتاۋ مينيسترلىگى.
تەك سوڭعى 24 ساعاتتا يزرايل ارمياسىنىڭ گازا سەكتورىنىڭ ءارتۇرلى ايماقتارىندا جاساعان «بەس قىرعىنى» ناتيجەسىندە 48 ادام قازا تاپقان. سونىمەن قاتار، پالەستينا ەكسكلاۆىنىڭ 201 تۇرعىنى زارداپ شەككەن.
قازا تاپقانداردىڭ مايىتتەرى ءالى قيراعان عيماراتتاردىڭ استىندا جانە جول جيەكتەرىندە جاتىر. جەدەل جاردەم جانە ازاماتتىق قورعانىس توپتارى يزرايل اسكەريلەرى تۋدىرعان كەدەرگىلەرگە بايلانىستى ولارعا جەتە المايدى، دەپ قوستى ۆەدومستۆو.
ايتا كەتەيىك، بۇعان دەيىن يزرايلدىڭ بۇرىنعى ءمينيسترى گازاداعى قىلمىستارعا ءوز ەلىن ايىپتاعانىن جازعان ەدىك.
