گازادا قازا تاپقان پالەستينالىقتاردىڭ سانى بەلگىلى بولدى
يزرايلدىڭ گازا سەكتورىنا جالعاسقان شابۋىلدارىندا قازا تاپقان پالەستينالىقتاردىڭ سانى 23469 عا جەتتى. Kazinform بۇل تۋرالى Uza.uz-گە سىلتەمە جاساپ حابارلايدى.
گازادا ورنالاسقان دەنساۋلىق ساقتاۋ مينيسترلىگىنىڭ حابارلاۋىنشا، اشراف ءال- كەدرا باسپا ءسوز مالىمدەمەسىندە يزرايل ارمياسىنىڭ سوڭعى 24 ساعاتتا 112 پالەستينالىقتى ءولتىرىپ، 194 ىن جارالاعان.
«گازا سەكتورىنىڭ وڭتۇستىگىندەگى اۋرۋحانالار اپاتتى جاعدايدا تۇر، ويتكەنى ولار جارالانعاندار مەن ونداعان مىڭ بوسقىندارعا تولى»، - دەپ اتاپ ءوتتى اشراف ءال- كەدرا.
قاقتىعىس باستالعالى بەرى 59604 پالەستينالىق جاراقات الدى، ولاردىڭ 6200 ى گازادان تىس جەردە شۇعىل ەمدەلۋدى قاجەت ەتەدى.
