گازادا قازا تاپقان پالەستينالىقتاردىڭ سانى 29692 گە جەتتى
استانا. Kazinform - سوڭعى 24 ساعاتتا يزرايل اسكەريلەرىنىڭ ارەكەتى سالدارىنان 86 پالەستينالىق قازا تاۋىپ، تاعى 131 ادام جاراقات الدى. 2023 -جىلدىڭ 7-قازانىندا باستالعان حاماس پەن يزرايل اراسىنداعى قاقتىعىس كۇشەيگەننەن بەرى گازا سەكتورىندا قازا تاپقان پالەستينالىقتاردىڭ جالپى سانى 29692 گە، انكلاۆتاعى جارالانعانداردىڭ جالپى سانى 69879 عا جەتتى.
بۇل تۋرالى جەكسەنبى كۇنى حاماس باقىلاۋىنداعى دەنساۋلىق ساقتاۋ مينيسترلىگى حابارلادى.
ۆەدومستۆونىڭ باسپا ءسوز حابارلاماسىندا يزرايلدىڭ قارقىندى اتقىلاۋى جانە ازاماتتىق قورعانىس بولىمشەلەرى مەن جەدەل جاردەم بريگادالارىنىڭ جەتىسپەۋشىلىگى سالدارىنان كەيبىر زارداپ شەككەندەردىڭ ءالى دە ءۇيىندى استىندا قالعانى اتاپ ءوتىلدى. بۇل تۋرالى شينحۋا اگەنتتىگى جازدى.
ءوز كەزەگىندە يزرايل قورعانىس كۇشتەرى (IDF) جەكسەنبى كۇنى گازا سەكتورىنىڭ وڭتۇستىگىندەگى شايقاستا ەكى ساربازدىڭ قازا تاپقانىن حابارلادى.
يزرايل ارمياسى ساردار مەن تاعى ەكى ساربازدىڭ گازانىڭ وڭتۇستىگىندەگى شايقاس كەزىندە اۋىر جارالانىپ، اۋرۋحاناعا جەتكىزىلگەنىن ايتتى.
ايتا كەتەيىك، 2023 -جىلى 7-قازاندا حاماس جاۋىنگەرلەرى 1200 گە جۋىق ادامنىڭ ءومىرىن قيىپ، 240 تان استام ادامدى كەپىلگە العان ەدى. ولاردىڭ ءيزرايلدىڭ وڭتۇستىگىنە جاساعان توسىن شابۋىلىنا جاۋاپ رەتىندە يزرايل ارمياسى گازا سەكتورىنداعى حاماس-قا قارسى اۋقىمدى شابۋىلدار جاساپ جاتىر.
اۆتور
جاراسقان نۇرىبايەۆ
