گازا سەكتورىنداعى سۇمدىق ءبىزدىڭ كوز الدىمىزدا بولىپ جاتىر - ب ۇ ۇ
بىرىككەن ۇلتتار ۇيىمى جاقىن كۇندەردە گازادا بولۋى مۇمكىن جاعدايعا الاڭداۋشىلىق ءبىلدىردى. بۇل تۋرالى دۇنيەجۇزىلىك ۇيىمنىڭ باس حاتشىسىنىڭ وكىلى ستەفان ديۋجارريك مالىمدەدى.
Kazinform اگەنتتىگى بۇل تۋرالى انادولى اقپارات اگەنتتىگىنە سىلتەمە جاساپ حابارلايدى.
«گازاداعى گۋمانيتارلىق اپات ءبىزدىڭ كوز الدىمىزدا بولىپ جاتىر. جاعداي وتە اۋىر. ءبىز الداعى بىرنەشە كۇندە نە بولاتىنىنا قاتتى الاڭداپ وتىرمىز»، - دەدى ول.
ونىڭ ايتۋىنشا، ب ۇ ۇ باس حاتشىسى انتونيۋ گۋتەرريش دەمالىس كۇندەرى پالەستينا ەكسكلاۆىنداعى جاعدايعا بايلانىستى قارقىندى كەلىسسوزدەر جۇرگىزدى.
ديۋجارريك ب ۇ ۇ- نىڭ گازا سەكتورىندا گۋمانيتارلىق اتىستى توقتاتۋ تۋرالى ۇندەۋىن قايتالادى.
اۆتور
زارينا تۋعانبايەۆا
