گازا سەكتورىندا حاماس تۇتقىنىنان بوساعان 13 ادام كىم
ءيزرايلدىڭ حاماس- قا قارسى سوعىسىنداعى ۇزىلىستەن كەيىن گازا سەكتورىنداعى يزرايلدىك كەپىلگە الىنعانداردىڭ العاشقى لەگى بوساتىلدى.
ونىڭ بارلىعى 7-قازاندا نير-وزدا تۇتقىنعا الىنعان. بوستاندىققا شىققاندار تۋرالى تاعى نە بەلگىلى؟ Kazinform اگەنتتىگى بۇل تۋرالى ۆۆس جاڭالىقتارىنا سىلتەمە جاساپ حابارلايدى.
يزرايل مەن حاماس اراسىنداعى كەلىسىم اياسىندا كەپىلگە الىنعان 13 ادام — ايەلدەر مەن بالالار ۇيىنە قايتارىلدى.
بۇدان بولەك، 10 تايلاند ازاماتى مەن ءبىر فيليپپيندىك كەلىسىمنەن تىس بوساتىلدى.
ۋاقىتشا ءبىتىم شارتىنا سايكەس، جۇما كۇنى تاڭەرتەڭ باستالعان ءتورت كۇندىك ءۇزىلىس كەزىندە بارلىعى 50 يزرايلدىك بوساتىلۋى ءتيىس.
حاماس كەلىسىمگە سايكەس 150 پالەستينالىق ايەل مەن ءجاسوسپىرىم يزرايل تۇرمەسىنەن بوساتىلىپ، گازا سەكتورىنا گۋمانيتارلىق كومەك، ءدارى- دارمەك جانە جانارماي تيەلگەن جۇزدەگەن جۇك كولىكتەرى كىرگىزىلەتىنىن مالىمدەدى.
گازا سەكتورىنىڭ شەكاراسىنا جاقىن ورنالاسقان نير- وزدان تۇتقىنعا الىنعاندار: 78 جاستاعى مارگاليت موزەس، 72 جاستاعى ادينا موشە، 44 جاستاعى دانيەل الوني جانە ونىڭ التى جاسار قىزى ەميليا، الونيدىڭ 34 جاستاعى ءسىڭلىسى جانە ونىڭ كۇيەۋى ءۇش جاسار ەگىز قىزدارىمەن بىرگە قوناقتا وتىرعان جەرىنەن تۇتقىنعا الىنعان.
34 جاستاعى دورون كاتس- اشەر مەن ونىڭ ەكى قىزى — ءتورت جاستاعى راز جانە ەكى جاسار اۆيۆ تە گازا شەكاراسىنا جاقىن تۋىستارىنىڭ ۇيىندە بولعان كەزدە تۇتقىنعا الىنعان.
يزرايلدىك رەسمي تۇلعالاردىڭ حابارلاۋىنشا، توعىز جاسار وحاد مۋندار، ونىڭ 54 جاستاعى اناسى كەرەن مۋندار جانە 78 جاستاعى اجەسى رۋتي مۋندار دا نير- وزدان ۇرلانعان.
جالپى العاندا ۇيىنە ورالعان 12 ادامنىڭ ەسىمى بەلگىلى: 78 جاستاعى مارگاليت موزەس، 72 جاستاعى ادينا موشە، 44 جاستاعى دانيەل الوني مەن ونىڭ 6 جاسار قىزى ەميليا، 34 جاستاعى دورون كاتس- اشەر جانە ونىڭ ەكى ەگىز قىزى - ءتورت جاسار راز بەن ەكى جاسار اۆيۆ، توعىز جاسار وحاد مۋندار، ونىڭ 54 جاستاعى اناسى كەرەن مۋندار مەن 78 جاستاعى اجەسى رۋتي مۋندەر، 79 جاستاعى حانا پەري، 85 جاستاعى يافا ادار.
