گازا سەكتورىنان شىعارىلعان قازاقستاندىقتار كايردەن ۇشاقپەن ەلگە جەتكىزىلەدى - ايبەك سمادياروۆ

«بۇعان دەيىن ايتقانىمىزداي، گازا سەكتورىندا 76 ازاماتىمىز بار. ولاردىڭ وتباسى مۇشەلەرىن قوسا العاندا — 161 ادام. ءبىراق سيفر وزگەرىپ تۇرادى. بۇل تىزىمدەگى كەيبىر ادام ەۆاكۋاتسيا كريتەريىنە كىرمەيدى. ايتالىق، بىزگە ەش قاتىسى جوق پالەستينا ازاماتى تىزىمدە بار بولىپ شىقتى. ونى يزرايلدىڭ دە، گازا سەكتورىنىڭ دا، مىسىردىڭ دا بيلىگى تەكسەرەدى. سوندىقتان بيۋروكراتيالىق، ديپلوماتيالىق جاعداي بولىپ تۇر. مۇنىڭ ۇستىنە كايردەن رافاكقا دەيىن جەتۋ دە ءبىراز ۋاقىتتى الادى. كوپتەگەن بلوكپوستار بار، ولار وتكەن بارلىق كولىكتى تەكسەرەدى»، - دەدى ايبەك سمادياروۆ مينيسترلىكتەن وتكەن اپتالىق بريفينگتە.

ونىڭ ايتۋىنشا، وتانداستارىمىز كايرعا جەتكىزىلگەننەن كەيىن ولاردى ۇشاقپەن قازاقستانعا اكەلۋ جوسپارلانعان.

«ءبىراق ازىرگە گازا سەكتورىنان 44 ادامدى عانا شىعارامىز. كايردان جەتكىزۋدىڭ باسقا دا جولدارىن قاراستىرامىز. گازا سەكتورىندا قالىپ قويعان قالعان ادامداردىڭ شىعارىلۋىن كۇتىپ، ءبارىن ءبىر ۇشاقپەن الىپ كەلەمىز. بولماسا بولەك- بولەك ەلگە جەتكىزەمىز. بۇل ماڭىزدى ەمەس. ءبىزدىڭ باستى مىندەتىمىز — ازاماتتارىمىزدى گازا سەكتورىنان شىعارۋ»، - دەدى س ءى م وكىلى.

بۇگىن قازاقستان گازا سەكتورىنداعى ازاماتتارىن ەۆاكۋاتسيالاۋ پروتسەسىن باستاعانىن جازعان ەدىك.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى