گازا سەكتورىنان ەۆاكۋاتسيالانعان وتانداستارىمىز كايرگە جەتىپ، قوناق ۇيگە جايعاستى
بۇگىن گازا سەكتورىنان ەۆاكۋاتسيالانعان وتانداستارىمىز كايرگە جەتىپ، قوناق ۇيگە جايعاستى، دەپ حابارلايدى Kazinform سىرتقى ىستەر مينيسترلىگىنە سىلتەمە جاساپ.
قازاقستاندىق ديپلوماتتار مەن حالىقارالىق ۇيىمداردىڭ قىزمەتكەرلەرى ولارعا بارلىق قاجەتتى كومەكتى، ونىڭ ىشىندە پسيحولوگيالىق قولداۋ كورسەتۋدە.
سونىمەن قاتار ق ر ازاماتتارى مەن ولاردىڭ وتباسى مۇشەلەرىنە قۇجات راسىمدەۋ ماسەلەلەرى قارالۋ ۇستىندە.
ەسكە سالا كەتەيىك، گازا سەكتورىنان مىسىر اۋماعىنا 92 قازاقستان ازاماتى مەن ولاردىڭ وتباسى مۇشەلەرى وتكەنىن حابارلاعان بولاتىنبىز.
ايتا كەتەتىن ءجايت، ق ر ازاماتتارىن گازا سەكتورىنان ەۆاكۋاتسيالاۋ كەزەڭ- كەزەڭمەن جۇرگىزىلىپ جاتىر.
وسى ورايدا قازاقستاندىق ديپلوماتتار يزرايل، مىسىر، پالەستينا ۇلتتىق اكىمشىلىگىنىڭ قۇزىرەتتى ورگاندارىمەن جانە باسقا دا حالىقارالىق ۇيىمدارمەن قالعان وتانداستارىمىزدى انكلاۆتان ەۆاكۋاتسيالاۋ بويىنشا جۇمىستى جالعاستىرادى.
قازاقستاندىقتاردى ەلگە جەتكىزۋ ءۇشىن ۇكىمەت ەۆاكۋاتسيالىق بورت جولدايدى.
