از تاماق جەپ، توق ءجۇرۋدىڭ 8 ءادىسى
بارلىق ادامعا كەلەتىن ارىقتاۋ ءادىسى جوق. ءبىراق ارىقتاۋ ءۇشىن بەلسەندى ءومىر سالتىن ساقتاۋ، ەموتسيونالدى دەنساۋلىقتى باقىلاۋ جانە دۇرىس تاماقتانۋ ماڭىزدى ەكەنىن بىلەمىز.
تاماق ساپاسىمەن قاتار ونىڭ مولشەرى دە ماڭىزدى. از تاماق جەپ، توق جۇرۋگە كومەكتەسەتىن ادەسىتەردى ۇسىنامىز.
وزىڭىزبەن بىرگە پايدالى تىسكەباسار الىپ ءجۇرىڭىز
اشتىق سەزىمى بىردەن ارتقان كەزدە ءوزىڭىزدى ۇستاۋ جانە ارتىق نارسە جەپ قويماۋ قيىن. مۇنداي كەزدە قول استىندا جەيتىن ەشتەڭە بولماسا، تاڭداۋىڭىز فاستفۋدقا نەمەسە ۇننان جاسالعان پىسىرمەلەرگە تۇسەدى.
سومكەڭىزگە 1 الما، باتونچيك، پروتەيندى پەچەنە، جاڭعاقتار نەمەسە باسقا دا پايدالى تىسكەباسارلار سالىپ ءجۇرىڭىز. قارنىڭىز اشقان كەزدە ءوزىڭىزدى سول تاماقتارمەن تىنىشتاندىرا الاسىز جانە ۇيگە بارىپ تولىققاندى تۇسكى نەمەسە كەشكى اس ىشۋگە دەيىن شىدايسىز.
اشىق سورەلەردەگى تاماقتاردى الىپ تاستاڭىز
پەچەنە جانە باسقا دا تاتتىلەر داستارقان بەتىندە نەمەسە اشىق سورەلەردە تۇرسا، كۇنى بويىنا ولاردى وتە كوپ جەپ قويۋىڭىز مۇمكىن. ەگەر ارتىق سالماق قوسىپ العىڭىز كەلمەسە، زياندى تاماقتى ەسىگى جابىلاتىن سورەلەرگە سالىپ قويىڭىز.
ال اشىق جەرلەرگە جەمىستەر مەن كوكونىستەردى جۋىپ قويىڭىز. سونداي- اق جاڭعاقتاردى قويۋعا بولادى.
تاماقتى كىشكەنتاي تارەلكەگە سالىپ جەڭىز
ادەتتە، ادام تارەلكەگە قانشا تاماق سالىنسا، سونشا جەيدى. ىدىس ۇلكەن بولسا، تويساڭىز دا توقتاۋ قيىن. سوندىقتان تاماقتى كىشكەنتاي تارەلكەگە سالىپ جەگەن دۇرىس.
سمارتفونعا الاڭداماڭىز
كوپتەگەن ادام تاماق جەپ وتىرىپ تەلەديدار نەمەسە سمارتفون قاراپ وتىرادى. الايدا بۇلاي باسقا نارسەگە الاڭداۋ ادەتى ارتىق تاماقتانۋعا اكەلەدى. بۇل كەزدە ادام تويعانىن بىلمەي قالادى جانە تاماق دامىنەن ءلاززات المايدى.
ساتىپ الاتىن ازىق- تۇلىك ءتىزىمىن جاساڭىز
دۇكەنگە اش قارىنعا جانە قاجەتتى ازىق- تۇلىك ءتىزىمىنسىز بارۋ - ناشار يدەيا. بۇل كەزدە ارتىق تاماق الىپ قويۋ جانە اسىرەسە زياندى ونىمدەر الۋ قاۋپى بار.
سوندىقتان ۇيدەن شىعاردا ازىق- تۇلىك ءتىزىمىن جاساپ الىڭىز. توڭازىتقىش پەن سورەلەردى ءبىر تەكسەرىپ شىعىڭىز.
اسىقپاي تاماقتانىڭىز
ارتىق تاماقتانعىڭىز كەلمەسە تاماقتى اسىقپاي شايناڭىز. تاماقتى اسىقپاي جەسەڭىز، جىلدامىراق توياسىز.
سۋدى كوبىرەك ءىشىڭىز
تاماققا 30-40 مينۋت قالعاندا سۋ ءىشىپ الىڭىز. بۇل اشتىق سەزىمىن ءسال باسۋعا جانە از تاماقتىڭ وزىنە تويۋعا كومەكتەسەدى. سونداي- اق راتسيونعا كوبىرەك سۋى كوپ كوكونىستەر قوسۋعا بولادى. مىسالى: قيىر، ءتۇرلى سالاتتار، جاسىل بۇرىش، گۇلدى ورامجاپىراق.
اقۋىزعا باي تاعامدار جەڭىز
ەگەر از تاماق جەپ، ءبىراق ۇزاققا دەيىن توق جۇرگىڭىز كەلسە، اقۋىزدى تاعامداردى تاڭداڭىز. ولاردى قورىتۋعا اعزا كوبىرەك ۋاقىت پەن كالوريا جۇمسايدى. اقۋىزدىڭ پايدالى كوزدەرىنە جۇمىرتقا، سۇزبە، قۇس ەتى، بالىق، بۇرشاقتىلار جانە جاڭعاقتار جاتادى.
massaget.kz
