اۋىز تولتىرىپ ايتاتىنداي ناتيجە جوق - بەكتەنوۆ ەكولوگيا ءمينيسترىنىڭ جۇمىسىن سىنادى

ۇكىمەت باسشىسىنىڭ ناقتى سۇراعىنا جاۋاپ بەرگەن مينيستر ەرلان نىسانبايەۆ بۇل باعىتتاعى جۇمىستاردىڭ كەشەۋىلدەپ جاتقانىنا زاڭ نورمالارى دا كەدەرگى كەلتىرىپ جاتقانىن ايتتى.

- ۇكىمەت 2023 -جىلدىڭ اياعىندا كەشەندى ءىس-شارالار جوسپارىن بەكىتكەن بولاتىن. وندا 100 جاڭا پوليگون سالۋ قاراستىرىلعان. بۇگىنگى تاڭدا جوسپارداعى 120 پوليگوننىڭ جەتەۋى سالىنىپ، ىسكە قوسىلدى. 23 پوليگوننىڭ جوبالاۋ-سمەتالىق قۇجاتتاماسى ازىرلەندى. 18 پوليگوننىڭ قۇجاتتاماسى ازىرلەنىپ جاتىر. قالعان 52 پوليگون بويىنشا بيىل وڭىرلەرگە قۇجاتتاما ازىرلەۋگە قاراجات قاراستىرىلعان. پوليگونداردىڭ ەكولوگيالىق كودەكسكە سايكەس كەلمەۋىنىڭ بىردەن-ءبىر سەبەبى - قالا مەن اۋىلدارعا بىردەي تالاپ قويىلۋىندا. اۋىلدى مەكەندەرگە ءتيىستى تالاپتاردى ورىنداۋ ءۇشىن قىرۋار قاراجات كەرەك. كودەكستە وسى تالاپتاردى جەڭىلدەتۋ بويىنشا وزگەرىستەر قاراستىرىلعان. ءبىز ءوز تاپسىرماڭىز بويىنشا پوليگونداردىڭ قۇرىلىسىنا ۋتيل الىم ەسەبىنەن قارجىلاندىرۋ كوزدەلىپ وتىر، - دەدى مينيستر.

الايدا ولجاس بەكتەنوۆ مينيسترلىك اكىمدىكتەردىڭ جۇمىسىن ءتيىمدى ۇيلەستىرە الماي وتىرعانىن ايتتى.

- جالپى وسى باعىتتا جۇمىس باياۋ ءجۇرىپ جاتىر. اۋىز تولتىرىپ ايتاتىنداي ناتيجە جوق. مينيسترلىك اكىمدىكتەردىڭ جۇمىسىن دۇرىستاپ ۇيلەستىرۋ كەرەك. وسى باعىتتا مينيسترلىكتىڭ بەلسەندى ۇستانىمى كەرەك. ونى ءبىز كورىپ وتىرعان جوقپىز، - دەدى ولجاس بەكتەنوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى