ايگىلى Rolling Stone جۋرنالى ديماشتىڭ حالىقارالىق بەدەلدى سىيلىقتى قالاي العانىن جازدى
استانا. قازاقپارات – 17-اقپاندا ەڭ تانىمال باسىلىمداردىڭ ءبىرى ROLLING STONE قازاقستاندىق مۋزىكانت تۋرالى «ديماش قۇدايبەرگەن DIAFA 2024 سىيلىعىنا مۋزىكا سالاسىنداعى جاھاندىق ىقپالى ءۇشىن يە بولدى» دەگەن ماتەريال جاريالادى.
ماقالا اۆتورى 2024 -جىلدىڭ قاراشا ايىندا دۋبايدا وتكەن بەدەلدى حالىقارالىق Arab Festivals Awards (DIAFA) ماراپاتتاۋ ءراسىمى تۋرالى بايانداپ، ونىڭ لاۋرەاتتارى اراسىندا تانىمال قازاقستاندىق ءانشى ديماش قۇدايبەرگەن دە بولعانىن باياندايدى.
- DIAFA- دا ديماشتىڭ ماراپاتى ۇلكەن ماڭىزعا يە. ول وسى سىيلىقتى جەڭىپ العان العاشقى ورتالىق ازيا ءارتىسى بولعاندىقتان، الەمدىك كوشباسشىلاردىڭ كورنەكتى تىزىمىنە ەندى. ءارتۇرلى سالاداعى 25 جۋرناليستەن تۇراتىن كوميتەت وتكىزەتىن قاتاڭ ىرىكتەۋىمەن تانىمال DIAFA ءوز سالالارى مەن قاۋىمداستىقتارىنىڭ دامۋىنا ايتارلىقتاي ۇلەس قوسقان ادامداردى اتاپ ءوتتى.
سالتاناتتى ءراسىم بارىسىندا ديماش ءوزىنىڭ جالعاسىپ جاتقان الەمدىك تۋرىنىڭ تيتۋلدىق ءانى «Stranger» ءانىن ورىندادى. ونىڭ كلاسسيكالىق، پوپ جانە ءداستۇرلى قازاق ەلەمەنتتەرى بىرىكتىرىلگەن قويىلىمى كورەرمەندەردى باۋراپ الدى. جۇرگىزۋشىلەر ونى مادەني جانە مۋزىكالىق شەكارالاردان ءوتۋ قابىلەتىنە باسا نازار اۋدارا وتىرىپ، «شەكارانى بىلمەيتىن داۋىسى بار ەرەكشە تالانت» رەتىندە ۇسىندى، - دەلىنگەن ماقالادا.
اۆتوردىڭ پايىمىنشا، ديماشتىڭ DIAFA- عا قاتىسۋى ونىڭ مۋزىكاسى تىلدىك جانە مادەني كەدەرگىلەردى ەڭسەرۋ ارقىلى بۇكىل الەمدە رەزونانس تۋدىراتىنىن كورسەتتى. ءانشى 14-تەن استام تىلدە سويلەپ، بۇكىل ەۋروپا مەن ازيا بويىنشا زالداردى تولىق جيناي وتىرىپ، قازاقستاننان تىس جەرلەردە ءوز وتانىنىڭ مادەنيەتىن تانىستىرۋدى جالعاستىرۋدا.
ROLLING STONE - مۋزىكا مەن پوپ- مادەنيەتكە ارنالعان امەريكالىق جۋرنال. 1967 -جىلى سان-فرانسيسكودا نەگىزى قالانعان.
ديماشتىڭ ب ا ءا- دەگى جۇمىسىنا ارنالعان ماقالا ROLLING STONE MENA (تاياۋ شىعىس جانە سولتۇستىك افريكا) باسىلىمىندا جاريالاندى، ول تاياۋ شىعىس پەن سولتۇستىك افريكانىڭ جيىرمادان استام ەلىن قامتيدى.
ايتا كەتەيىك، ديماش قۇدايبەرگەن جاڭا ءانىنىڭ پرەمەراسىن جاريالادى.
