ايىپپۇل سالىنادى، تاريف قىمباتتايدى: جەلتوقساندا تاعى نە وزگەرەدى؟
استانا. قازاقپارات - جەلتوقساندا ءبىرقاتار ماڭىزدى جاڭالىق بولادى. وسى جاڭالىقتارعا شولۋ جاسالدى.
كولىك اكەلۋ ءتارتىبى وزگەرەدى
جەلتوقساننان باستاپ زاڭدى تۇلعالاردىڭ كولىك اكەلۋ ءتارتىبى وزگەرەدى. كولىك 3 جىلدان اسپاسا، ونى اكەلۋ ءۇشىن كولىكتىڭ ءتيپى ماقۇلدانۋى قاجەت (ك ق ت م بويىنشا). كولىكتى اكەلگەندە ونىڭ ە ا ە و كەدەندىك اۋماعىنا سايكەستىگى مىندەتتى تۇردە باعالانۋعا ءتيىس، ياعني كولىكتىڭ تەحنيكالىق تالاپتارعا ساي ەكەنى تەكسەرىلەدى. كولىكتى شەتەلدەن اكەلۋگە تەك ارنايى ماقۇلداۋى بار، ك ق ت م ءراسىمىن وتكىزگەن تۇلعالار نەمەسە كومپانيالار قۇقىلى بولادى.
بۇل شارا 2024 -جىلعى 1-جەلتوقساننان باستاپ ەنگىزىلەدى.
ۇيالى بايلانىس وپەراتورلارى قىمباتتايدى
جەلتوقساندا كەيبىر ۇيالى بايلانىس تۇرلەرى مەن ينتەرنەت قىمباتتايدى. Kcell (Activ برەندىنىڭ يەسى) 13-جەلتوقساننان باستاپ Kcell مەن Activ-تەگى 18 تاريفتىڭ قۇنىن وزگەرتۋ جوسپارلانعانىن مالىمدەدى.
«تاريف شارتتارىنا بايلانىستى ورتاشا ەسەپپەن 6 دان 25 پايىزعا دەيىن (ورتا ەسەپپەن 400 تەڭگە) وسەدى»، - دەپ حابارلادى Kcell.
جىلدامدىققا بايلانىستى ايىپپۇل سالىنادى
2024 -جىلعى 4-جەلتوقساننان باستاپ قازاقستاندا حالىقارالىق جانە رەسپۋبليكالىق تاسجولداردا ورتاشا جىلدامدىقتى اسىرعانى ءۇشىن ايىپپۇل سالىناتىن جاڭا ەرەجە كۇشىنە ەنەدى.
ءتۇزۋ جولداردا بەلگىلەنگەن جىلدامدىقتى اسىرعان جۇرگىزۋشىلەر اكىمشىلىك جاۋاپكەرشىلىككە تارتىلادى. ايىپپۇلدار 5 تەن 40 ا ە ك-كە دەيىن وزگەرەدى، بۇل جىلدامدىقتى اسىرۋ دارەجەسىنە بايلانىستى 18460 تان 147680 تەڭگەگە دەيىن بولماق.
40 ا ە ك ايىپپۇل جىلدامدىقتى ساعاتىنا 60 شاقىرىمنان اسىرعاندارعا قولدانىلادى.
قاشانعا دەيىن كولىك دوڭگەلەگى اۋىستىرىلۋى كەرەك؟
كولىك جۇرگىزۋشىلەرى جازعى شينالارىن اۋىستىرماسا، 1-جەلتوقساننان كەيىن ق ر اكىمشىلىك قۇقىقبۇزۋشىلىق تۋرالى كودەكسىنىڭ 590-بابىنىڭ 5-بولىگىنە سايكەس 5 ا ە ك (18460 تەڭگە) مولشەرىندە ايىپپۇل ارقالايدى.
جەلتوقساندا قازاقستاندىقتار قانشا كۇن دەمالادى؟
2024 -جىلدىڭ سوڭعى ايىندا بەس كۇن جۇمىس ىستەيتىن قازاقستاندىقتار 10 كۇن دەمالادى.
بيىل 16-جەلتوقسان - تاۋەلسىزدىك كۇنى دۇيسەنبىگە تۇسپا-تۇس كەلەدى.
14-جەلتوقسان، سەنبى: التى كۇن جۇمىس ىستەيتىندەر ءۇشىن جۇمىس كۇنى جانە بەس كۇن جۇمىس ىستەيتىندەر ءۇشىن دەمالىس كۇنى؛
15-جەلتوقسان، جەكسەنبى: ادەتتەگى دەمالىس كۇنى؛
16-جەلتوقسان، دۇيسەنبى: تاۋەلسىزدىك كۇنى (بارلىعىنا دەمالىس).
بيىل 30 جانە 31-جەلتوقسان دا جۇمىس كۇندەرى.
جەلتوقسان ءارتۇرلى سالادا اتاپ وتىلەتىن كاسىبي مەرەكەلەر دە بار:
5-جەلتوقسان - ادۆوكاتۋرا كۇنى؛
6-جەلتوقسان - پروكۋراتۋرا كۇنى؛
15-جەلتوقسان - ەنەرگەتيكتەر كۇنى؛
22-جەلتوقسان - مۇراعاتشىلار كۇنى.
وقۋشىلار قانشا كۇن دەمالادى؟
ەكىنشى توقساندا وقۋ ۋاقىتى - 8 اپتا. قىسقى كانيكۋل 2024 -جىلعى 30-جەلتوقساندا باستالادى، 2025 -جىلعى 8-قاڭتارعا دەيىن 10 كۇنگە جالعاسادى. دەمەك وقۋشىلار جەلتوقسان، قاڭتاردا 10 كۇن دەمالادى.
«استانا» مەن «چەلسي» ويىن وتكىزەدى
«استانا» مەن «چەلسي» اراسىنداعى ويىن 12-جەلتوقساندا الماتىنىڭ ورتالىق ستاديونىندا وتەدى. بيلەتتەر ساتىلىمعا شىعارىلدى.
جەلتوقساندا اۋا رايى قانداي بولادى؟
جەلتوقساندا قار جاۋىپ، بوران سوعىپ، جەل تۇرادى. ەلدىڭ وڭتۇستىگىندە جاۋىن-شاشىن جاڭبىر مەن قار تۇرىندە جاۋادى، ال تاۋلى ايماقتاردا قالىڭ قار جاۋۋى مۇمكىن.
قازاقستاننىڭ باتىسى مەن وڭتۇستىگىندە كوكتايعاق بولىپ، تۇمان تۇسەدى. اۋا تەمپەراتۋراسى بىلاي وزگەرەدى:
سولتۇستىكتە جانە ورتالىقتا: تۇندە 18-...23- گرادۋستان -7...12- گرادۋسقا دەيىن، كۇندىز 4-...1+ گرادۋستان 8- ...13- گرادۋسقا دەيىن. ايدىڭ ەكىنشى جارتىسىندا تۇندە اياز 25-...37- گرادۋسقا دەيىن كۇشەيۋى مۇمكىن، ال كۇندىز 15-...25- گرادۋسقا دەيىن وزگەرەدى.
وڭتۇستىك جانە وڭتۇستىك- شىعىستا: تۇندە 10-...18- گرادۋستان 0...5- گرادۋسقا دەيىن، كۇندىز 0...5- گرادۋستان 3+...12+ گرادۋسقا دەيىن وزگەرەدى. جەلتوقساننىڭ سوڭىندا تۇندە 15-...22- گرادۋسقا دەيىن اياز بولۋى مۇمكىن جانە كۇندىز 5-...13- گرادۋس اياز كۇتىلەدى.
