ايىپپۇل - 18460 تەڭگە. كولىكتى قاي جەرلەردە جۋۋعا بولمايدى؟
استانا. قازاقپارات - اقمولا وبلىسىنىڭ پوليتسەيلەرى ازاماتتارعا اۆتوكولىكتى ءتيىستى ەمەس جەردە جۋۋ ايىپپۇل تولەۋگە اكەلۋى مۇمكىن ەكەنىن ەسكەرتتى، - دەپ حابارلايدى Polisia.kz.
كولىگىڭىزدى وزەنگە، سۋ قويماسىنا، سۋ ايدىنىنا، قۇدىققا جانە كوشەدە جۋۋعا بولمايدى. تابيعاتتى قورعاۋ پوليتسياسى توبىنىڭ ەرەكشە تاپسىرمالار جونىندەگى اعا ينسپەكتورى ۆالەنتينا سەركينانىڭ ايتۋىنشا، ءوز كولىكتەرىن ءتيىستى ەمەس جەرلەردە جۋعان بۇزۋشىلارعا جالپى قولدانىستاعى ورىنداردى لاستاعانى ءۇشىن حاتتامالار جازىلادى.
كوپپاتەرلى ۇيلەردىڭ اۋلالارىندا جانە سۋ ايدىندارىنىڭ جانىندا اۆتوكولىكتەردى جۋۋعا تىيىم سالىنعاندىقتان، ول ءۇشىن 5 ا ە ك (18460 تەڭگە) دەيىن ايىپپۇل سالىنۋى مۇمكىن. قالاداعى اۆتوكولىك جۋۋ ورىندارىندا اۆتوكولىكتى جۋۋ قۇنى 2000 تەڭگەدەن 5000 تەڭگەگە دەيىن ەكەنىن ەسكەرسەك، بۇل ۇلكەن سوما.
«ەگەر ءسىز بىرەۋدىڭ كولىكتى ءتيىستى ەمەس جەردە جۋىپ جاتقانىن كورسەڭىز، بۇل تۋرالى دەرەۋ «102» جەلىسىنە حابارلاۋىڭىز كەرەك، ويتكەنى اۋلالاردا اۆتوموبيلدەر مەن باسقا دا جەكە مۇلىكتەردى جۋۋعا تىيىم سالىنادى. جىل باسىنان بەرى وڭىردە جالپى قولدانىستاعى ورىنداردىڭ لاستانۋىنا بايلانىستى 5000-نان استام بۇزۋشىلىق تىركەلدى»، - دەپ حابارلادى پوليتسيا قىزمەتكەرلەرى.
