ايماعامبەتوۆ استاناداعى وقيعا تۋرالى: اتا-انالاردى جازالاۋ ماسەلەنى شەشپەيدى
استانا. KAZINFORM - ءماجىلىس دەپۋتاتى اسحات ايماعامبەتوۆ كەشە استاناداعى تۇرعىن ۇيلەردىڭ بىرىندەگى ليفتتە بولعان بالاعا شابۋىل جونىندە پىكىر ءبىلدىردى
− جاقىندا ليفتتە بولعان وقيعا - جاي عانا تراگەديا ەمەس، وزەكتى ماسەلەلەردىڭ كورىنىسى ىسپەتتەس. بۇل جاعداي جۇيەلى كەمشىلىكتەردى اشىپ كورسەتتى: پسيحيكالىق تۇراقسىز ءجاسوسپىرىم كەز كەلگەن بالاعا شابۋىل جاساۋى مۇمكىن ەدى. مۇندا تەك اتا-انالاردى جازالاۋ ماسەلەنى شەشپەيدى، ەرتە انىقتاۋ، باقىلاۋ، الدىن الۋ سەكىلدى كەشەندى ءتاسىل قاجەت، - دەپ جازدى دەپۋتات ءوزىنىڭ Telegram كانالىندا.
ءماجىلىس دەپۋتاتى پسيحونيەۆرولوگيالىق قىزمەتتەردى رەفورمالاۋ كەرەگىن ايتۋدا. اتاپ ايتقاندا، كامەلەتكە تولماعانداردىڭ پسيحيكالىق بۇزىلىستارىن دياگنوستيكالاۋ مەن ەمدەۋدى جەتىلدىرۋ، وڭالتۋ باعدارلامالارىن دامىتۋ، مىنەز-قۇلىقتى باقىلاۋ جانە تۋىستارىن پسيحيكالىق اۋىتقۋلارى بار ادامدارعا كۇتىم جاساۋ ەرەجەلەرىنە ۇيرەتۋدى ۇسىندى.
- اتا-انالارمەن جۇمىستى كۇشەيتۋ كەرەك. ەگەر ءقاۋىپتى ادام جاقىن ماڭدا تۇرسا، كورشىلەر مەن مەكتەپتى مىندەتتى تۇردە حاباردار ەتۋ كەرەك. ەسەپتە تۇرعان ادامداردىڭ جاعدايى مەن مىنەز-قۇلقىن جۇيەلى تەكسەرىپ، اگرەسسيۆتى ازاماتتاردى باقىلاۋ، قاۋىپ تونگەن جاعدايدا ۋاقىتشا وقشاۋلاۋ مۇمكىندىگى بولۋى قاجەت، - دەيدى ا. ايماعامبەتوۆ.
پسيحيكالىق اۋىتقۋى بار بالالاردى تاربيەلەپ وتىرعان وتباسىلاردى دا قولداۋ جونىندە ايتىلدى. بۇل ءۇشىن الەۋمەتتىك قىزمەتكەرلەردى تارتىپ، ۇزدىكسىز جانە باسىمدىقپەن ءدارى-دارمەكپەن قامتاماسىز ەتۋ كەرەك. پسيحولوگيالىق قىزمەتتەردىڭ جۇمىسىن جانداندىرۋ قاجەت.
- اتا-انالارعا كامەلەتكە تولماعان بالالارىنىڭ قۇقىقبۇزۋشىلىعى نەگە اكەپ سوعاتىنىن ءتۇسىندىرۋ جۇمىستارىن جۇرگىزگەن ءجون. ەگەر وتباسى بالانى باقىلاۋدا قيىندىقتارعا تاپ بولسا، مونيتورينگ پەن وڭالتۋ قورىتىندىسى بويىنشا قوسىمشا قولداۋ شارالارى قابىلدانۋى ءتيىس. بۇل جاعدايدا بارلىق قىزمەتتەردىڭ جەدەل ارەكەت ەتىپ، بىلىكتى مەديتسينالىق كومەك كورسەتكەنىن جانە قىلمىستىق ءىس قوزعالعانىن اتاپ وتكەن ءجون. ءبۇلدىرشىننىڭ تەز ساۋىعىپ كەتۋىن جانە مىقتى دەنساۋلىق تىلەيمىن. ءال بىز پسيحولوگيالىق قىزمەتتەر سالاسىنداعى ماسەلەلەردى شەشۋگە باعىتتالعان زاڭ جوباسى بويىنشا جۇمىس ىستەپ جاتىرمىز، - دەدى اسحات ايماعامبەتوۆ.
ايتا كەتەيىك، كەشە ەلورداداعى تۇرعىن ۇيلەردىڭ ءبىرىنىڭ ليفتىندە بەلگىسىز جاس ءوسپىرىمنىڭ كىشكەنتاي بالاعا پىشاقپەن شابۋىل جاساعانى تۋرالى اقپارات تارادى. شابۋىل جاساعان جاس ءوسپىرىم ارنايى پسيحونيەۆرولوگيالىق ەسەپتە تۇرعان.
قازىر بالانىڭ ومىرىنە ەش قاۋىپ ءتونىپ تۇرعان جوق، ونىمەن پسيحولوگ جۇمىس ىستەۋدى باستادى.
