ايلىعى 1 ميلليون تەڭگەدەن اساتىن اۋقاتتى ەر ازاماتتاردىڭ 82 پايىزى وتباسىلى
ۇلتتىق ستاتبيۋرونىڭ 2021-جىلعى ساناق ناتيجەسى بويىنشا اي سايىنعى تابىسى 1 ميلليون تەڭگەدەن اساتىن ەر ادامدار اراسىندا 82 پايىزى نەكەدە، دەپ حابارلايدى Kazinform اگەنتتىگى ءبىرىنشى كرەديت بيۋروسىنا سىلتەمە جاساپ.
سالىستىرمالى تۇردە تابىسى نولدەن 1 ميلليون تەڭگەگە دەيىنگى بارلىق ەر ادامداردىڭ 63 پايىز ۇيلەنگەن.
تابىسى 250 دەن 300 مىڭ تەڭگەگە دەيىنگى ادامداردا وتباسىلى جىگىتتەردىڭ ۇلەسى 71 پايىز جەتەدى.
دەگەنمەن تۇرمىستىق جاعدايى جاقسى اۋقاتتى قازاقستاندىقتار سيرەك اجىراسادى - 3 پايىز.
قالعاندارىندا بۇل كورسەتكىش - 4,5 پايىز، ورتاشا جالاقى ايماعىنداعى كىرىسى بار توپتا - 6 پايىز.
ال تابىسى 1 ميلليون تەڭگەدەن اساتىن ايەلدەردىڭ ىشىندە وتباسىن قۇرعان نەكەدەگىلەردىڭ ۇلەسى - 70,5 پايىز.
قالعاندارىندا بۇل كورسەتكىش - 59 پايىز، تابىسى 250 دەن 300 مىڭعا دەيىنگى توپتا - 67 پايىز.
الايدا ايەلدەر اراسىندا اجىراسۋ كورسەتكىشى كەرىسىنشە جوعارى. مۇندا ەڭ جوعارى ۇلەس، كەرىسىنشە، ەڭ اۋقاتتىلار قاتارىندا - 10,5 پايىز.
قالعاندارىندا بۇل كورسەتكىش 7 پايىز جەتەدى، 250 دەن 300 مىڭعا دەيىنگى تابىسى بار ايەلدەر ءۇشىن - 9,5 پايىز.
