ايەلدەر دە اسكەري بورىشىن وتەۋگە مىندەتتەلدى
استانا. قازاقپارات - 1-شىلدەدەن باستاپ كامەلەتتىك جاسقا تولعان دات ايەلدەرى اسكەري قىزمەتكە شاقىرىلادى. دانيادا اسكەري قىزمەتكە شاقىرۋ ەرىكتىلەردىڭ جەتىسپەيتىندىكتەن، سولاردىڭ ورنىن تولتىرۋ ءۇشىن لوتەرەيا جۇيەسى ارقىلى جۇزەگە اسىرىلادى. بۇل تۋرالى DW جازدى.
دانيا ۇكىمەتى ايەلدەر ءۇشىن مىندەتتى اسكەري قىزمەتتى ەنگىزىپ وتىر. 18 جاسقا تولعان دات ايەلدەرى اسكەري قىزمەتكە شىلدە ايىنىڭ باسىندا شاقىرىلاتىن بولادى. بۇرىن جوسپارلانعاننان الدەقايدا ەرتەرەك كىرىسۋى مۇمكىن، دەدى كورولدىكتىڭ قورعانىس ءمينيسترى تروەلس لۋند پوۋلسەن.
- قورعانىس ساياساتى مەن قاۋىپسىزدىك سالاسىنداعى اعىمداعى جاعدايدى ەسكەرە وتىرىپ، قارۋلى كۇشتەر اسكەرگە كوبىرەك شاقىرىلعانداردى تارتۋى كەرەك، - دەدى ول.
ءمينيستردىڭ ايتۋىنشا، 2025 -جىلدىڭ 1-شىلدەسىنەن باستاپ اسكەري قىزمەتكە شاقىرۋ ماسەلەسىندە ەرلەر مەن ايەلدەردىڭ تولىق تەڭدىگىنە قول جەتكىزۋ وسىعان بايلانىستى ماڭىزدى سيگنال بولماق.
باستاپقىدا دات ايەلدەرى 2027 -جىلدان باستاپ اسكەري قىزمەتكە شاقىرىلادى دەپ جوسپارلانعان بولاتىن. سول شەشىممەن مىندەتتى اسكەري قىزمەت مەرزىمى ءتورت ايدان ون ءبىر ايعا دەيىن ۇزارتىلدى. ايەلدەر قازىر دانيا قارۋلى كۇشتەرىندە تەك ەرىكتى تۇردە قىزمەت ەتەدى.
دانيادا مىندەتتى اسكەري قىزمەتكە شاقىرۋ ەرىكتىلەردىڭ جەتكىلىكتى سانى الىنعان جاعدايدا عانا جۇزەگە اسىرىلادى. ناقتى كىم شاقىرىلاتىنىن جىل سايىنعى لوتەرەيا انىقتايدى، دەپ جازادى AFP.
ەسكە سالا كەتەيىك، بۇعان دەيىن دانيا مەملەكەتى الەمدەگى ەڭ باقىتتى ەلدەردىڭ تىزىمىندە ەكىنشى ورىندا ەكەنىن جازعان بولاتىنبىز.
اۆتور
باقىتگۇل اباي قىزى
