اۋىل تۇرعىندارىنا ارنالعان جاڭا تۇرعىن ءۇي باعدارلاماسى مامىردا باستالادى

«قازىرگى ۋاقىتتا بۇل باعدارلاماعا «وتباسى» بانكى 300 ميلليارد تەڭگە تارتىپ جاتىر. بۇل - باعدارلامانىڭ جالپى مولشەرى. حالىقتىڭ الەۋمەتتىك جاعىنان از قامتىلعان ساناتى ءۇشىن مولشەرلەمە 7 پايىزدان اسپايدى»، - دەدى قانات شارلاپايەۆ ۇكىمەت وتىرىسىنان كەيىنگى بريفينگىدە.

ونىڭ اتاپ وتۋىنشە، الداعى مامىر ايىندا باعدارلامانىڭ بارلىق شارتى جاريا ەتىلەدى.

«1-مامىردا باعدارلامانىڭ بارلىق شارتىن تولىقتاي جاريا ەتەمىز. ول 1-مامىردان باستالادى. قازىرگى ۋاقىتتا وعان نارىقتان قاراجات تارتىپ جاتىرمىز. تەك ازداعان ۋاقىت قاجەت. سوندىقتان باعدارلاما 1-مامىردان باستالادى. مينيسترلىك پەن «وتباسى» بانكى قىزمەتكەرلەرىنە تاعى ءبىر مارتە جەكە باسپا ءسوز ءماسليحاتىن وتكىزىپ، باعدارلاما جايىندا ايتىپ بەرۋدى وتىنەمىز»، - دەدى مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى