اۋىل شارۋاشىلىعىن سۋبسيديالاۋداعى زاڭسىزدىق: جالعان اقپارات ۇسىنعاندار انىقتالىپ جاتىر

- جالپى اۋديت ناتيجەلەرى بويىنشا 142 ميلليارد تەڭگە بيۋدجەت قاراجاتىنىڭ ءتيىمسىز جوسپارلانعانى جانە پايدالانىلعانى، 2 ميلليارد تەڭگەگە قارجى سالاسىنداعى تالاپتاردى بۇزۋ دەرەكتەرى انىقتالدى. ەكونوميكالىق شىعىندار مەن جىبەرىپ العان پايدا شامامەن 5 ميلليارد تەڭگەنى قۇرادى. بيۋدجەتكە 2 ميلليارد تەڭگە وتەلدى جانە قالپىنا كەلتىرىلدى. 4 فاكت بويىنشا ماتەريالدار قۇقىق قورعاۋ ورگاندارىنا جىبەرىلەدى. 322 ماتەريال اكىمشىلىك جاۋاپكەرشىلىككە تارتۋ ءۇشىن جىبەرىلدى، - دەدى ءا. سمايىلوۆ.

ونىڭ ايتۋىنشا، تەرگەۋ ورگاندارىنا جىبەرىلەتىن دەرەكتەر كوبىنە وڭتۇستىك وڭىرلەر مەن ۇلىتاۋ وبلىسىندا بولعان جاعدايعا قاتىستى.

— 1 مىڭعا جۋىق ادام 1,5 ميلليارد تەڭگەگە سۋبسيديا راسىمدەگەن، ياعني كاسىپكەرلىك ىسىنە العان. الايدا سالىق ورگاندارىندا كاسىپكەر رەتىندە تىركەلمەگەن. تۇركىستان وبلىسىندا 15 سۋبەكتى 225 ميلليون تەڭگەگە ءىس جۇزىندە جوق ينۆەستيتسياعا سۋبسيديا العان. بۇل تۇرعىدا جالعان شوت- فاكتۋرا ماسەلەسى بار. ال اباي وبلىسىندا ەكى كاسىپورىن ساتىپ الىنباعان اۋىل شارۋاشىلىعى تەحنيكاسىنا 131 ميلليون تەڭگە سۋبسيديا تارتقان، ياعني جالعان اقپاراتتى ۇسىنعان. سونىمەن قاتار، اۋىل شارۋاشىلىعى مينيسترلىگى مەن وڭىرلەردەگى باسقارمالاردىڭ 8 لاۋازىمدى قىزمەتكەرىن اكىمشىلىك جاۋاپكەرشىلىككە تارتىپ وتىرمىز. ودان باسقا اكىمشىلىك جاۋاپكەرشىلىككە تارتىلاتىن تاعى 320 ادام بار، - دەپ ناقتىلادى اۋديتورلىق پالاتانىڭ ءتوراعاسى.

بۇعان دەيىن ءا. سمايىلوۆ سۋبسيديا العانداردىڭ 3 مىڭى اگروونەركاسىپ كەشەنىنىڭ سۋبەكتىسى بولماي شىققانىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى