پرەزيدەنت تەلەراديوكەشەنى مەن موڭعوليالىق مونتسامە ءوزارا اقپارات الماسۋعا كەلىستى

مەموراندۋمعا ق ر پرەزيدەنتىنىڭ تەلەراديوكەشەنى ديرەكتورىنىڭ ورىنباسارى تىلەگەن ابىشيەۆ پەن «مونتسامە» ۇ ا ا باس ديرەكتورىنىڭ ءبىرىنشى ورىنباسارى ەنحتۋيا ا تايۆانشار قول قويدى.

وسى كۇندەرى ءوتىپ جاتقان ازيا جانە تىنىق مۇحيتى اقپارات اگەنتتىكتەرى ۇيىمى مۇشەلەرىنىڭ كونفەرەنسياسى مەن اتقارۋشى كەڭەستىڭ 51- وتىرىسى الاڭىندا تاراپتار قول قويعان قۇجات «مونتسامە» ۇ ا ا مەن 2022 -جىلدان بەرى ق ر پرەزيدەنتىنىڭ تەلەراديوكەشەنى قۇرامىنا كىرەتىن Kazinform اگەنتتىگىنىڭ ءداستۇرلى جالعاسىپ كەلە جاتقان بەرىك ءارى تىعىز ىسكەرلىك قارىم- قاتىناسىن راسىمدەۋگە مۇمكىندىك بەردى.

تاراپتار مەديا- كونتەنت الماسۋ، ورتاق كونتەنت جاساۋ، تىلشىلەر جەلىسى رەسۋرستارىنا قول جەتكىزۋ جانە ادام كاپيتالىن دامىتۋ سالاسىندا سەرىكتەستىك تۋرالى كەلىستى.

پرەزيدەنت ت ر ك ديرەكتورىنىڭ ورىنباسارى ت. ابىشيەۆتىڭ ايتۋىنشا، Kazinform اگەنتتىگى مەن «مونتسامە» ۇ ا ا سەرىكتەستىگىن تەرەڭدەتۋ تۇرعىنداردى ەكى ەل جاڭالىقتارىنان حاباردار ەتۋ مۇمكىندىگىن ارتتىرادى».

پرەزيدەنت ت ر ك ديرەكتورى ورىنباسارىنىڭ سوزىنشە، «بىرلەسىپ كونتەنت جاساۋ مەن ونى ۇلتتىق جانە حالىقارالىق دارەجەدە تاراتۋ ەكى ەل اراسىنداعى مادەني- گۋمانيتارلىق بايلانىستىڭ دامۋىنا نەگىز بولادى».

ەنحتۋياا تايۆانشار سەرىكتەستىك تۋرالى ەكىجاقتى قۇجاتتىڭ ماڭىزىن ايتىپ، «قازاقستان مەن موڭعوليانى ورتاق تاريح پەن ادال قارىم- قاتىناس بايلانىستىراتىنىن» اتاپ ءوتتى.

«الدىڭعى قاتارلى ب ا ق سەرىكتەستىگى ىنتىماقتاستىقتى نىعايتىپ، ەكى حالىقتىڭ قارىم- قاتىناسىن نىعايتۋعا ايتارلىقتاي ۇلەس قوسادى»، - دەدى ول.

قول قويىلعان ىنتىماقتاستىق تۋرالى مەموراندۋم پرەزيدەنت ت ر ك شەتەلدىك مەديا- كومپانيالارمەن حالىقارالىق كەلىسىمدەر پۋلىن تولىقتىردى.

ولاردىڭ قاتارىندا «Saudi Press Agency» ،«Petra» ،«Trend»، «ازەرتادج» «Yonhap» ،«Armenpress»، «ۋ ز ا»، «حوۆار» بار.

ق ر پرەزيدەنتىنىڭ تەلەراديوكەشەنى - قۇرامىنا Jibek Joly رەسپۋبليكالىق تەلەارناسى، حالىقارالىق Silk Way جانە Silk Way Cinema تەلەارنالارى، Kazinform اگەنتتىگى مەن دەرەكتى فيلم ورتالىعى كىرەتىن قازاقستاندىق تولىق سيكلدى مەديا- كومپانيا.

«مونتسامە» ۇاا - 1942 -جىلدان بەرى جۇمىس ىستەيتىن جانە ەلدەگى جاڭالىقتاردى تاراتاتىن جانە وندىرەتىن موڭعوليانىڭ ۇلتتىق اقپارات اگەنتتىگى.

اۆتور

بالنۇر قوجاگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى