ايداربەك ساپاروۆ: مال شارۋاشىلىعىنا سۋبسيديا بەرۋدى توقتاتىن شىعارمىز

ۇكىمەت وتىرىسىنان كەيىن وتكەن باسپا ءسوز ءماسليحاتىندا مينيسترگە سالاعا بولىنەتىن سۋبسيديالاردىڭ تيىمدىلىگى تۋرالى سۇراق قويىلدى.

- بۇل جۇيە جىلدان-جىلعا ءوسىپ جاتىر. جىلىنا 450 ميلليارد تەڭگە سۋبسيديا بولىنەدى. قوسىمشا ناقتىلاۋ بولسا، 500-600 ميلليارد تەڭگەگە بارادى. سوندىقتان، ارينە جۇيەنى ءبىز تۇزەپ جاتىرمىز. وزدەرىڭىز بىلەتىندەي، نەشە ءتۇرلى قىلمىستىق ىستەر اشىلىپ جاتىر. ونى جالعىز انتيكور ەمەس، ءوزىمىز دە سول جاققا بەرىپ جاتىرمىز. ويتكەنى سۋبسيديا اۆتوماتتى تۇردە تاراتىلادى. ونىڭ ىشىندە نەشە ءتۇرلى جاعدايلار بولادى، - دەدى ۆەدومستۆو باسشىسى.

سونداي-اق، ول كووپەراتيۆ ارقىلى سۋبسيديا تارتۋدىڭ سالدارىنان اۋىلداعى حالىقتىڭ مالىنا قولداۋ جەتپەي قالعانىن ايتتى.

- كووپەراتيۆ جاعىندا كەيبىر سۋبسيديالار بار. اتىشۋلى، نەشە ءتۇرلى اتاقتى ىستەر شىعىپ جاتىر. اۋىلدىڭ مالدارىن قوسىپ، سۋبسيديا قاراجاتى جەتپەگەن جاعدايلارى بار. مال شارۋاشىلىعىمەن اينالىساتىندار بويىنشا قازىر سۋبسيديادان كەتۋ باعىتىندا جۇمىس توبىن اشتىق. اۋىستىرۋعا دايىنداپ جاتىرمىز. دايىن ەتتى ەت كومبيناتىنا وتكىزۋ بويىنشا سۋبسيدياعا اۋىسادى. ولاردى قولداۋ ءۇشىن جەڭىلدەتىلگەن 5 پايىزدىق نەسيە بەرىلەدى. وسىعان قاعاز-قۇجاتتاردى دايىنداپ، ەنگىزبەكپىز. مۇنى باقىلاۋعا الىپ، ۇستاماساق بولمايدى، - دەدى ايداربەك ساپاروۆ.

سونداي-اق، بۇگىن ەنەرگەتيكا مينيسترلىگى كوكتەمگى ەگىس ماۋسىمىنا ديزەل باعاسىن ۇسىندى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى