ايدا بالايەۆا «قازاق فيلمگە» قاتىستى مالىمدەمە جاسادى

باستى سەبەپ: كومپانيانىڭ ءوزىن ءوزى قامتاماسىز ەتۋگە جانە تابىس تابۋعا زاڭدى تۇرعىدا مۇمكىندىگى جوق. 2019 -جىلدان بەرى كينو ءتۇسىرۋ قۇزىرەتى «ۇلتتىق كينونى قولداۋ ورتالىعىنا» بەرىلگەن. «قازاق فيلم» دە وسى ورتالىق قارجىلاندىراتىن جوبالارعا كىردى. مينيستر جاعدايدى رەتتەۋ ءۇشىن ناقتى شارالار قابىلداپ جاتقانىن ايتتى. بىرىنشىدەن، بۇرىن جوبالار مەملەكەتتىك تاپسىرىس ارقىلى تۇسىرىلسە، ەندى ءتۇرلى تاقىرىپتاعى سسەناريلەر بايقاۋى جاريالانادى. ەكىنشى قادام «قازاق فيلمگە» كينو ءتۇسىرۋ، فەستيۆالدەر ۇيىمداستىرۋ، دۋبلياج جاساۋ قۇقىقتارى مەن باسقا دا جاڭا مۇمكىندىكتەر بەرۋدى زاڭدى تۇردە بەكىتۋ. ءۇشىنشى مىندەت - ينفراقۇرىلىمدى دامىتۋ. بۇل باعىتقا ينۆەستور تارتۋ قاجەت. «ال جەر تەلىمىنە كەلسەك، جىلجىمايتىن مۇلىك مەملەكەت مەنشىگىندە جانە ەشكىمگە بەرىلمەيدى»، - دەدى مينيستر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى