ايانا جولداس: ەكى وتادان كەيىن قاڭتار ايىندا دايىندىقتى باستادىم

سپورتشىنىڭ ايتۋىنشا، ول ءبىر جىل بۇرىن ەكى مارتە وتا جاساتىپ، سەكىرۋدى تەك بيىلعى قاڭتار ايىندا باستاعان.

- باپكەرىمنىڭ تاپسىرماسىن تولىقتاي ورىنداۋعا تىرىستىم. جىلدامدىق، ءبارى جاقسى بولدى. باپكەرىم دە ماعان كومەكتەسىپ وتىردى. جاراقاتىم تۋرالى ناقتى ايتا المايمىن. شامامەن ءبىر جىل بۇرىن تىزەمە ەكى مارتە وتا جاساتقان ەدىم. ءبىراق قاڭتار ايىنان دايىندىقتى باستاپ كەتتىم. العاشقى جارىسىم ا ق ش-تا ءوتتى. العاشقى سەكىرۋدە اياعىمدى اۋىرتىپ العان بولاتىنمىن. قازىر دە از عانا اۋىرسىنۋ بار، الايدا الداعى 1-2 كۇندە قالپىما كەلىپ، مەدال ءۇشىن كۇرەسەمىن دەپ ۇمىتتەنەمىن، - دەدى سپورتشى.

ايتا كەتەيىك، قازاقستان سپورتشىسى ايانا جولداس قىتايدىڭ حاربين قالاسىندا ءوتىپ جاتقان Ⅸ قىسقى ازيا ويىندارىندا قولا جۇلدە جەڭىپ الدى.

يابۋلي تاۋ شاڭعى كۋرورتىندا وتكەن ايەلدەر اراسىندا فريستايل اكروباتيكا سىنىندا 76.54 ۇپاي جيناپ، ءۇشىنشى ورىننان كورىندى.

قىتايلىق سپورتشىلار التىن جانە كۇمىس مەدالدى ءوزارا ءبولىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى