اتىراۋداعى ماحامبەت اۋدانىنىڭ جەدەل شتابى كۇشەيتىلگەن جۇمىس رەجيمىنە كوشتى

وسىعان بايلانىستى ماحامبەت اۋدانىنىڭ اكىمى قايرات نۇرلىبايەۆ جەدەل شتباتىڭ جيىنىن وتكىزىپ، كۇشەيتىلگەن جۇمىس رەجيمىنە كوشۋ قاجەتتىگى تۋرالى شەشىم قابىلدادى.

اۋدان اكىمىنىڭ ايتۋىنشا، جايىق وزەنىنىڭ جاعالاۋىندا 65,5 شاقىرىم بوگەت تۇرعىزىلىپ، نىعايتىلعان. بوگەتتىڭ بيىكتىگى - 2,5 مەتر.

«جايىق وزەنىنىڭ دەڭگەيى كۇن سايىن كوتەرىلىپ كەلەدى. ءبىزدىڭ اۋدان ءۇشىن سۋ تاسقىنى قاۋپى وزەكتى ماسەلە بولىپ قالا بەرەدى. قورعانىس بوگەتتەرىن سالۋ جۇمىستارى اياقتالعانىمەن، قوسىمشا نىعايتۋ جۇمىستارى ءالى جۇرگىزىلىپ جاتىر. اۋداندىق اكىمدىكتىڭ قىزمەتكەرلەرى، ءماسليحات دەپۋتاتتارى، اۋىل تۇرعىندارى، ەرىكتىلەر ەلدى مەكەندەردى سۋ تاسقىنىنان قورعاۋعا جۇمىلىپ وتىر»، - دەدى قايرات نۇرلىبايەۆ.

ماحامبەت اۋدانىنىڭ جەدەل شتابىندا تالقىلانعان ماسەلەلەر مەن ۇسىنىستار بويىنشا ءار اۋىلدىق وكرۋگتە جاۋاپتى ماماندار بەكىتىلدى. ارنايى كەستەگە سايكەس تاۋلىك بويى كەزەكشىلىكتى اۋداندىق ءماسليحاتتىڭ دەپۋتاتتارى، بەلسەندىلەر مەن اۋدان اكىمدىگىنىڭ وكىلدەرى اتقارادى.

اتىراۋ وبلىستىق جەدەل شتابىنىڭ مالىمەتىنشە، ماحامبەت اۋدانىندا جايىق وزەنىنىڭ قاۋىپتى شەگى - 8 مەتر 50 سانتيمەتر.

ءبىراق، كەشە، 2-مامىردا كەشكى ساعات 20:00 دە جايىق وزەنىنىڭ ماحامبەت اۋدانىنداعى دەڭگەيى 8 مەتر 3 سانتيمەترگە جەتتى. ال، بۇگىن، 3-مامىردا تاڭەرتەڭگى ساعات 8:00 دە وزەن سۋى 8 مەتر 12 سانتيمەتردى قۇرادى.

«ماحامبەت اۋدانىندا جايىق وزەنىنىڭ سۋى ءبىر تاۋلىكتە 17+ سانتيمەترگە كوتەرىلدى. قاۋىپتى دەڭگەيگە دەيىن 38 سانتيمەتر قالدى»، - دەپ حابارلادى وبلىستىق جەدەل شتابتان.

ەسكە سالا كەتەلىك، بۇعان دەيىن ماحامبەت اۋدانىندا جايىق وزەنىنىڭ دەڭگەيى 8 مەتردەن اسىپ كەتكەنىن جازعان ەدىك.

ال، بۇگىن يندەر اۋدانىندا جايىق ءبىر تاۋلىكتە 38 سانتيمەترگە كوتەرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى