اتىراۋدا شەتەل ازاماتى 9-قاباتتان سەكىرىپ مەرت بولدى
اتىراۋ قالاسىندا شەتەل ازاماتى تۇرعىن ءۇيدىڭ 9-قاباتىنان سەكىرىپ كەتكەن. ونىڭ مۇنداي ارەكەتكە بارۋ سەبەبى ازىرگە بەلگىسىز، دەپ حابارلايدى Kazinform.
وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا كەشە، 10-قاڭتاردا بولعان.
«اتىراۋ قالاسىنىڭ «نۇرسايا» شاعىن اۋدانىنداعى تۇرعىن ءۇي كەشەندەرىنىڭ بىرىندە كەشكى ساعات 19:26 شاماسىندا ەر ادامنىڭ 9-قاباتتان سەكىرىپ كەتكەنى تۋرالى حابار ءتۇستى. ەر ادام وقيعا ورنىندا كوز جۇمدى. وقيعا ورنىنا جەتكەن قالالىق پوليتسيا باسقارماسىنىڭ قىزمەتكەرلەرى سۋيتسيد جاساعان وزبەكستان رەسپۋبليكاسىنىڭ ازاماتى ەكەنىن انىقتادى. مارقۇم 1964 -جىلى تۋعان»، - دەپ حابارلادى دەپارتامەنتتىڭ باسپا ءسوز قىزمەتى.
قازىر دەرەككە بايلانىستى ق ر قىلمىستىق كودەكسىنىڭ 105-بابىنىڭ 1-بولىگىمەن قىلمىستىق ءىس تىركەلدى. وسىعان بايلانىستى ءتيىستى ءىس قۇجاتتارى جيناقتالىپ جاتىر.
پوليتسيا قىزمەتكەرلەرى شەتەلدىك تۇرعىن ءۇيدىڭ جوعارعى قاباتىنان سەكىرۋىنە نە سەبەپ بولعانىن ناقتىلاعان جوق.
