اتىراۋدا ءبىر جىلدا 22 جەتكىنشەككە قاتىستى 11 قىلمىستىق ءىس قوزعالعان
اتىراۋ قالاسىندا بىلتىر ىشكى ىستەر ورگاندارىنا اكىمشىلىك جانە قىلمىستىق قۇقىق بۇزۋشىلىققا بايلانىستى 3682 جاس ءوسپىرىم جەتكىزىلگەن. ونىڭ ىشىندە 22 جاسوسپىرىمگە قاتىستى 11 قىلمىستىق ءىس قوزعالعان، دەپ حابارلايدى Kazinform.
اتىراۋ قالالىق پوليتسيا باسقارماسى يۋۆەنالدى پوليتسيا توبىنىڭ باستىعى، پوليتسيا مايورى ەلۆيرا يمانعازيەۆانىڭ ايتۋىنشا، جاسوسپىرىمدەردىڭ قاتىسۋىمەن جاسالعان قىلمىستار 14 پايىزعا تومەندەگەن. الايدا، كامەلەتكە تولماعاندارعا قارسى جاسالعان قىلمىس 20 پايىزعا، ال، جىنىستىق تيىسپەۋشىلىككە بايلانىستى قىلمىس 45 پايىزعا وسكەن.
«اتىراۋ قالاسى بويىنشا ىشكى ىستەر ورگاندارىنا ءارتۇرلى اكىمشىلىك جانە قىلمىستىق قۇقىق بۇزۋشىلىق جاساعان 3682 جاس ءوسپىرىم جەتكىزىلدى. كامەلەتكە تولماعانداردىڭ قۇقىعىن قورعاۋ جونىندەگى كوميسسياعا 99 قۇجات جولداندى. كوميسسيا شەشىمىمەن 10 اتا-انانىڭ قۇقىعى شەكتەلدى. ال، 3 ەۋى اتا-انا قۇقىعىنان ايىرىلدى. قاڭعىباستىقپەن اينالىسقان 2 قىز 6 اي مەرزىمگە اقتاۋ قالاسىنداعى مەكتەپ ينتەرناتقا ورنالاستىرىلدى. بۇزاقىلىق جانە قاساقانا اۋىر دەنە جاراقاتىن كەلتىرۋ دەرەگىمەن 22 جاسوسپىرىمگە قاتىستى 11 قىلمىستىق ءىس قوزعالدى. ونىڭ ىشىندە 3 جاسوسپىرىمگە قاتىستى ىستەر سوتقا جولدانىپ، ولارعا 1 جىلدان 2 جىلعا دەيىن شارتتى تۇردە جازا تاعايىندالدى»، - دەپ حابارلادى ەلۆيرا يمانعازيەۆا.
ەسكە سالا كەتەلىك، بۇدان بۇرىن اتىراۋدا تاعدىرى قيىن 200 گە جۋىق كامەلەتكە تولماعان بالا بارىن حابارلاعان ەدىك.
