اتىراۋدا 11 جىل بۇرىن باستالعان فارماتسيەۆتيكالىق زاۋىت قۇرىلىسى سول كۇيى توقتاپ تۇر

اتىراۋ وبلىسىنىڭ سول كەزدەگى اكىمى باقتىقوجا ىزمۇحامبەتوۆ فارماتسيەۆتيكالىق زاۋىتتىڭ جوبالىق قۇنى 3 ميلليارد 700 ميلليون تەڭگەنى قۇرايتىنىن ايتقان ەدى.

جوبانى ىسكە اسىرۋعا «Lumpan Caspian Pharmaceutical LLP» ج ش س باستاماشى بولعان.

اتالعان جوباعا بىرنەشە كومپانيا قاتىسقان. بۇل - «مەديتسينا» ا ق، «اتىراۋ» ا ك ك» ا ق، «ساۆا حەلسكەير»، «لايفلاين فزە»، «ALIM COM» كومپانيالارى.

زاۋىتتا 180 ادامدى تۇراقتى جۇمىسپەن قامتۋ كوزدەلدى.

جىلىنا 800 ميلليون تابلەتكا، 300 ميلليون كاپسۋلا مەن 78 ميلليون امپۋلا تۇرىندەگى ءدارى، 3 ميلليون قوراپتاعى جاقپا ماي، 12 ميلليون پلاستيكالىق قۇتىداعى ەرىتىندى سەكىلدى 50-دەن استام فارماتسيەۆتيكالىق ءدارى-دارمەك شىعارۋ جوسپارلانعان.

ءدارى-دارمەك ونىمدەرىن شىعارۋعا قاجەت شيكىزات ءۇندىستان مەن قىتايدان اكەلىنەدى. زاۋىت ىسكە قوسىلعان سوڭ ەكولوگيالىق تازا ءارى ساپالى ءونىم G. M. P. ستاندارتىنا سايكەس شىعارىلادى، - دەگەن ەدى باقتىقوجا ىزمۇحامبەتوۆ.

«اتىراۋ» الەۋمەتتىك-كاسىپكەرلىك كورپوراتسياسى» ا ق ينۆەستيتسيالىق جوبالاردى ىسكە اسىرۋ دەپارتامەنتىنىڭ ديرەكتورى ەرۇلان بيسەنوۆتىڭ مالىمەتىنشە، جوبانىڭ قۇنى - 60 ميلليون ا ق ش دوللارى.

الايدا قارجىنىڭ ماقساتسىز جۇمسالۋىنا بايلانىستى كاسىپورىننىڭ جۇمىسى توقتاپ، ءبىرجولا جابىلعان.

- «اتىراۋ» الەۋمەتتىك-كاسىپكەرلىك كورپوراتسياسىنان مەديتسينالىق قۇرال-جابدىق الۋ ءۇشىن 1 ميلليارد 42,6 ميلليون تەڭگە كولەمىندە زايم بەرىلدى. دەگەنمەن 2017 -جىلى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ اتىراۋ وبلىستىق دەپارتامەنتى جوبانى ىسكە اسىرۋ بارىسىنا تەكسەرۋ جۇرگىزدى. ونىڭ قورىتىندىسى سول كەزدە سەرىكتەستەر تاراپىنان بيۋدجەت قارجىسىن ماقساتسىز جۇمساۋ دەرەگى بولعانىن انىقتادى. وسىعان بايلانىستى ءىس سوتقا جەتىپ، «مەديتسينا» ا ق 2018 -جىلى كورپوراتسيا ەسەپشوتىنا 60,4 ميلليون تەڭگەنى اۋداردى. ءبىر جىلدان سوڭ، 2019 -جىلى 810 ميلليون تەڭگەنىڭ مۇلىگىن قايتارىپ بەردى. وسىلايشا مەملەكەت الدىنداعى قارىزى تولىق كولەمدە وتەلدى، - دەيدى ەرۇلان بيسەنوۆ.

ونىڭ ايتۋىنشا، جەرگىلىكتى اكىمدىك تاراپىنان اتالعان جوباعا ينۆەستور ىزدەۋ قولعا الىنعان. الايدا ازىرگە ينۆەستور تابىلعان جوق.

ەسكە سالا كەتەلىك، بۇعان دەيىن اتىراۋدا 6 جىل بۇرىن باستالعان قالاشىق قۇرىلىسى ءالى بىتپەگەنىن حابارلاعان ەدىك.

سونداي-اق اتىراۋدا 9 جىل بۇرىن اشىلعان توقىما فابريكاسى دا ىستەمەي تۇر.

اۆتور

جولداسبەك شوپەعۇل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى