اتىراۋ وبلىسىنداعى باعىرلاي كانالىنا 10 جىلدان سوڭ مول سۋ كەلىپ جاتىر
اتىراۋ. KAZINFORM - اتىراۋ وبلىسىنداعى باعىرلاي كانالىنا 10 جىلدان سوڭ مول سۋ كەلىپ جاتىر.
«قازسۋشار» ر م ك يندەر وندىرىستىك ۋچاسكەسىنىڭ وكىلى سۇڭعات ەسەنجان ۇلىنىڭ ايتۋىنشا، باعىرلاي - يندەر اۋدانىنداعى 4 كانالدىڭ ءبىرى. كانالعا ءساۋىردىڭ 20 نان كەيىن مول سۋ كەلە باستاعان.
«باتىس قازاقستان وبلىسىنىڭ اۋماعىنان باستاۋ الاتىن كانالدىڭ ۇزىندىعى - 105 شاقىرىم. كانالعا بۇعان دەيىن جايىق وزەنىنەن ەكى ناسوسپەن سۋ ايدالىپ كەلگەن ەدى. ال بيىل جايىققا مول سۋ كەلىپ، باعىرلاي ارناسى تابيعي جولمەن سۋعا تولا باستادى. بۇل كانالدا سوڭعى جىلدان بەرى مۇنداي مول سۋ بولماعان ەدى»، - دەيدى سۇڭعات ەسەنجان ۇلى.
ونىڭ ايتۋىنا قاراعاندا، يندەر اۋدانىنداعى «باعىرلاي» كانالىنداعى سۋ اۋىل شارۋاشىلىعى ماقساتىندا قولدانىلادى.
ەسكە سالا كەتەلىك، اتىراۋ وبلىسىنىڭ ب ق و- مەن شەكاراداعى باعىرلاي كانالىنا مول سۋ كەلگەنىن حابارلاعان بولاتىنبىز.
