اتىراۋ قالاسىنىڭ بۇرىنعى اكىمى قايرات ورازبايەۆ قاماۋعا الىندى

وبلىستىق پروكۋراتۋرانىڭ باسپا ءسوز قىزمەتىنەن ءمالىم ەتكەندەي، اتىراۋ قالالىق اكىمدىگىنىڭ لاۋازىمدى تۇلعالارىنا قاتىستى الاياقتىق بەلگىلەرىمەن سوتقا دەيىنگى تەرگەپ- تەكسەرۋ جۇرگىزىلىپ جاتىر.

«2020-2022 -جىلدار كەزەڭىندە اكىمدىكتىڭ لاۋازىمدى تۇلعالارى جەكە تۇرعىن ءۇي قۇرىلىستارى ءۇشىن رەكرەاتسيالىق ايماقتارعا، ونىڭ ىشىندە جاسىل جەلەك ايماقتارى، ساياباقتار، سكۆەرلەر، جاعالاۋلار جانە تاعى باسقا ساناتقا جاتاتىن جەر ۋچاسكەلەرىن زاڭسىز بەرگەنى انىقتالدى. وسىعان بايلانىستى بۇگىن ق ر قىلمىستىق كودەكسىنىڭ 190-بابى 4-بولىگىنىڭ 2-تارماعىندا كوزدەلگەن قىلمىستىق قۇقىق بۇزۋشىلىق جاسادى دەگەن كۇدىك بويىنشا تەرگەۋ شەڭبەرىندە اتىراۋ قالاسىنىڭ ەكس- اكىمى قايرات ورازبايەۆا ۇستالدى»، - دەپ ءمالىم ەتتى پروكۋراتۋرانىڭ باسپا ءسوز قىزمەتىنەن.

ەكس- اكىم اتىراۋ قالالىق پوليتسيا باسقارماسىنىڭ ۋاقىتشا ۇستاۋ يزولياتورىنا قاماۋعا الىندى. ق ر قىلمىستىق- پروتسەستىك كودەكسىنىڭ 201-بابىنىڭ تالاپتارىنا سايكەس وزگە اقپارات جاريا ەتۋگە جاتپايدى.

قايرات ورازبايەۆتىڭ ماماندىعى - مۇنايشى. ول اتىراۋ مۇناي وڭدەۋ زاۋىتىنىڭ باس ديرەكتورى، اتىراۋ قالاسىنىڭ اكىمى لاۋازىمىن اتقارعان.

ەسكە سالا كەتەلىك، بۇعان دەيىن اتىراۋ مۇناي وڭدەۋ زاۋىتىنىڭ ەكس- باس ديرەكتورىنا قاتىستى ءىس قايتا قارالا باستاعانىن حابارلاعان ەدىك.

اۆتور

جولداسبەك شوپەعۇل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى