اتىراۋ مەن پاۆلودارداعى مۇناي وڭدەۋ زاۋىتتارى جەكەشەلەندىرىلۋى مۇمكىن

- اتىراۋ مەن پاۆلودارداعى مۇناي وڭدەۋ زاۋىتتارىن جەكەشەلەندىرۋ تۋرالى باستاما كوتەرىلگەنىن راستايسىزدار ما؟ - دەپ سۇرادى جۋرناليست.

رۋستام احمەتوۆ بۇل مالىمەتتى راستاپ وتىر.

- ءيا، باسەكەلەستىكتى قورعاۋ جانە دامىتۋ اگەنتتىگىنىڭ تالداۋى اياسىندا اتالعان اكتيۆتەردى جەكەشەلەندىرۋ ۇسىنىلعان بولاتىن. جەكەشەلەندىرۋدىڭ جوباسى دا ۇسىنىلىپ، الدىن الا ماقۇلداندى دا. بۇل جەردە زاۋىتتاردىڭ مەملەكەتكە تيەسىلى 50 پايىز اكتيۆىن جەكەشەلەندىرۋ ۇسىنىلىپ وتىر، - دەدى ول.

رۋستام احمەتوۆ باسقارۋدىڭ مۇنداي ۇلگىسى شىمكەنتتە ءساتتى ىسكە اسىپ جاتقانىن مىسالعا كەلتىردى.

- قازىر شىمكەنتتەگى م ءو ز- ءدىڭ ءساتتى جۇمىس ىستەپ تۇرعانىن كورىپ وتىرمىز. ونىڭ دا 50 پايىز اكتيۆى جەكەنىڭ قولىندا. ەڭ باستىسى باسقارۋ فورماسى جەكە مەنشىكتە - مەملەكەت اتىنان باسقاراتىن لاۋازىم جوق، - دەدى اگەنتتىك ءتوراعاسىنىڭ ءبىرىنشى ورىنباسارى.

ەسكە سالساق، بىلتىر ەلىمىزدەگى ءتورتىنشى مۇناي وڭدەۋ زاۋىتىنىڭ قۇرىلىسى 2030 -جىلعا شەگەرىلگەن بولاتىن.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى