اتىلىپ جاتقان كيىكتىڭ ەتى قاۋىپسىز بە
ەكولوگيا جانە تابيعي رەسۋرستار مينيسترلىگى اتىلىپ جاتقان كيىك ۇشالارى ەت كومبيناتتارىنا قالاي بەرىلەتىنىن ءتۇسىندىردى، دەپ حابارلايدى Kazinform اگەنتتىگى.
«كيىك پوپۋلياتسياسىن رەتتەۋ ءۇشىن «وحوتزووپروم» وندىرىستىك بىرلەستىگى جەكە تۇلعالاردى تارتتى. كيىك اتۋمەن اينالىساتىن ءار جاساققا وسى مەكەمەنىڭ جاۋاپتى ينسپەكتورى مەن ورمان شارۋاشىلىعى جانە جانۋارلار الەمى كوميتەتىنىڭ قىزمەتكەرلەرى بەكىتىلگەن. پوپۋلياتسيانى رەتتەۋ ءۇشىن اتىلعان كيىك ۇشالارى مىندەتتى تۇردە ەت كومبيناتىنا بەرىلەدى. ول ەتتى وڭدەپ، ساتۋ ماسەلەسىن ەت كومبيناتتارىنىڭ ۆەتەرينارلارى باقىلايدى. ۆەتەريناريا زاڭناماسىنىڭ تالابى سونداي»، - دەلىنگەن مينيسترلىكتىڭ رەداكسيا ساۋالىنا جولداعان جاۋابىندا.
ۆەدومستۆوداعىلار ەت كومبيناتىنىڭ نەمەسە سويۋ بەكەتىنىڭ ۆەتەرينارلارى كيىك ۇشاسىنىڭ سىرتقى سيپاتىن تەكسەرەتىنىن ايتادى.
ال ۇشانىڭ ىشكى ورگاندارىن ۆەتەرينارلىق-سانيتاريالىق ساراپتاما تەكسەرەدى.
وسى تەكسەرۋ قورىتىندىسى بويىنشا جارامسىز دەپ تانىلعان كيىك ەتى سالاداعى تالاپتار بويىنشا جويىلادى.
