اتى اڭىزعا اينالعان بوكسشى روي دجونس بوكستان قازاقستان چەمپيوناتىنىڭ اشىلۋىندا ءان سالدى
استانا. KAZINFORM - قاراعاندىدا سەرىك ساپيەۆ اتىنداعى بوكس ورتالىعىندا سوڭعى 17 جىلدا العاش رەت قازاقستان چەمپيوناتى ءوتىپ جاتىر، دەپ حابارلايدى Kazinform «Jibek Joly» تەلەارناسىنا سىلتەمە جاساپ.
جارىستىڭ باستالۋىنا تانىمال بوكسشىلار روي دجونس، ۆاسيلي جيروۆ، ەرماحان ىبىرايىموۆ جانە سەرىك قوناقبايەۆ قاتىستى. امەريكالىق بوكس جۇلدىزى سپورتشىلارىمىزدىڭ رۋحىن قولداۋ ءۇشىن بۇگىن ءتىپتى ءان شىرقادى.
چەمپيوناتقا ەلىمىزدىڭ بارلىق وڭىرىنەن سپورتشىلار قاتىسادى. ەرلەر 13 سالماق دارەجەسىندە، ال ايەلدەر 12 سالماق دارەجەسىندە سىنعا تۇسەدى.
جەكپە-جەكتەر ەكى رينگتە وتەدى، ولار ءبىر مينۋتتىق ۇزىلىسپەن 3 مينۋتقا سوزىلاتىن ءۇش راۋندتان تۇرادى. بۇل چەمپيوناتتا IBA 10 ۇپايلىق باعالاۋ جۇيەسى قولدانىلادى. بۇگىن رەسپۋبليكالىق چەمپيوناتتىڭ العاشقى جەكپە-جەكتەرى ءوتتى. فينال 24 - جەلتوقساندا وتەدى.
- مۇنداي تۋرنيرلەر بوكسشىلارىمىزعا كەلەسى دەڭگەيگە كوتەرىلىپ، وليمپيادا ويىندارىنا شىعۋعا مۇمكىندىك بەرەدى. بۇل تۋرنيردە ءوزىم جۇدىرىقتاسقاندىقتان، جارىستىڭ كۇشتى ەكەنىن، مۇندا ءبارى جاقسى جۇدىرىقتاساتىنىن جانە وندا جەڭۋگە دايىن بولۋىڭ كەرەك ەكەنىن بىلەمىن. جەڭىسكە لايىقتى بولعاندار جەڭەدى دەپ سەنەمىن جانە بارلىعىنا ساتتىلىك تىلەيمىن»، - دەدى بوكستان قازاقتان شىققان تۇڭعىش وليمپيادا چەمپيونى ۆاسيلي جيروۆ.
2027 -جىلى قازاقستاندا بوكستان الەم چەمپيوناتى وتەتىنىن حابارلادىق.
