اۆتوبۋستان تەلەفون ۇرلاعان ادام دا، ونى ساتىپ العان ادام دا ۇستالدى

قالتا ۇرىسى قاربالاس ۋاقىتتا قوعامدىق كولىك جولاۋشىلارىنان ۇيالى تەلەفون ۇرلاعان. سونىمەن قاتار ۇرلانعان تەلەفونداردى ساتىپ الۋشى دا ۇستالدى. 15 تەلەفون تاركىلەندى.

«قىلمىسكەر قاماۋعا الىندى»، - دەدى ءى ءى م كريمينالدىق پوليتسيا دەپارتامەنتىنىڭ باستىعى قانات نۇرماعامبەتوۆ.

ايتا كەتەيىك، جىل باسىنان بەرى كريمينالدىق پوليتسيا قىزمەتكەرلەرى رەسپۋبليكا بويىنشا 417 قالتا ۇرىسىن ۇستادى. ولارعا قاتىستى 461 قىلمىستىق ءىس قوزعالدى. 21 قىلمىستىق توپتىڭ قىزمەتى توقتاتىلدى، 38 ۇرى قۇرىقتالدى.

«ءى ءى م قالتا ۇرلىعىن جاساعانى ءۇشىن ءۇش جىلعا دەيىن باس بوستاندىعىنان ايىرۋ جازاسى قاراستىرىلعانىن ەسكە سالادى»، - دەدى پوليتسيا پولكوۆنيگى.

ەسكە سالايىق، بيىل ۇيالى تەلەفون ۇرلىعى 31,2 پايىزعا تومەندەگەنى (10051 -دەن 6919 عا دەيىن) حابارلاندى.

ۇيالى تەلەفون ۇرلىعىنىڭ ەڭ كوبى الماتىدا (1989) جانە استانادا (669)، ەڭ ازى ۇلىتاۋ وبلىسىندا (54) تىركەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى