گۆاتەمالادا اۆتوبۋس كوپىردەن قۇلاپ، 50 دەن استام ادام قازا تاپتى
استانا. KAZINFORM - گۆاتەمالادا جولاۋشىلار اۆتوبۋسى كوپىردەن قۇلاپ، كەم دەگەندە 51 ادام قازا تاپتى، دەپ حابارلايدى BBC.
ادام لىق تولعان اۆتوبۋس سان-اگۋستين اكاساگۋاستلان قالاسىنان ەل استاناسى گۆاتەمالا قالاسىنا قاتىنايتىن تاس جولدىڭ بويىمەن كەلە جاتقان، دەپ حابارلايدى Reuters.
جۇرگىزۋشى اۆتوبۋستى باسقارا الماي قالىپ، قۇلاعانشا باسقا كولىكتەرمەن سوقتىعىسقان.
ءورت ءسوندىرۋ قىزمەتى الەۋمەتتىك جەلىدە جاريالاعان فوتوسۋرەتتەردە اۆتوبۋستىڭ جارتىلاي سۋعا باتىپ كەتكەنى جانە زارداپ شەككەندەردىڭ دەنەسى جاتقانىن كورۋگە بولادى.
گۆاتەمالا قالاسىنىڭ ءمەرى ريكاردو كۆينونەس الەۋمەتتىك جەلىدە وقيعا ورنىنا توتەنشە جاعدايلار قىزمەتىنىڭ جونەلتىلگەنىن جانە جول پوليتسياسى اپات بولعان ايماقتا بالاما جولدار قالىپتاستىرۋمەن اينالىسىپ جاتقانىن ايتتى.
ءورت سوندىرۋشىلەر جۋرناليستەرگە اۆتوبۋس بولشەكتەرى استىندا قالىپ قويعان ادامداردى قۇتقارۋ جۇمىستارى جۇرگىزىلىپ جاتقانىن ايتتى.
جەرگىلىكتى اقپارات قۇرالدارىنىڭ حابارلاۋىنشا، اپاتتان 36 ەر ادام مەن 15 ايەل قازا تاپقان. ازىرگە قانشا جولاۋشىنىڭ امان قالعانى بەلگىسىز.
Equipo @muniguate apoyando, rescatan heridos.#TraficoGT https://t.co/5inIZbmZSm pic.twitter.com/nXNyUwpD7s
— PMT Ciudad de Guatemala (@PMTMuniGuate) February 10, 2025
AUTOBUS SE FUE A BARRANCO
— Amilcar Montejo (@amilcarmontejo) February 10, 2025
En calzada La Paz, bajo puente Belice, a un costado del cementerio Bouganvilias.
⚠️ Bomberos reportan 4 fallecidos y aún están estableciendo la cantidad de heridos.
🔴 En la movilidad afecta colonia Atlántida, barrio San Antonio, ruta El Atlántico.… pic.twitter.com/T2xjQ4Ndxe
گۆاتەمالا پرەزيدەنتى بەرناردو اريەۆالو ءۇش كۇندىك ۇلتتىق ازا تۇتۋ جاريالاپ، قازا بولعانداردىڭ تۋىستارىنا كوڭىل ايتتى.
- مەن بۇگىن جۇرەك اۋىرتاتىن جاڭالىقپەن ويانعان جول اپاتىنان قۇربان بولعان ادامداردىڭ وتباسىلارىمەن بىرگەمىن. ولاردىڭ قايعىسى - مەنىڭ دە قايعىم، - دەدى ول.
2024 -جىلدىڭ قاراشاسىندا پاكىستاندا توي اۆتوبۋسى وزەنگە قۇلاپ، 22 ادام قازا تاپقان بولاتىن.
اۆتور
ەركەجان سماعۇلوۆا
