اپتاسىنا ءبىر جۇمىرتقا جەۋ زور قاۋىپتىڭ الدىن الۋى مۇمكىن

اپتاسىنا ءبىر جۇمىرتقا جەۋ جۇرەك اۋرۋىنان بولاتىن ءولىم قاۋپىن تومەندەتۋگە كومەكتەسۋى مۇمكىن. جاڭا زەرتتەۋگە سايكەس، اپتاسىنا التى جۇمىرتقاعا دەيىن تۇتىناتىن ادامداردىڭ جۇرەك-قان تامىرلارى اۋرۋلارىنان كوز جۇمۋ قاۋپى %29 عا تومەن ەكەنى انىقتالدى.

اۆسترالياداعى Monash ۋنيۆەرسيتەتىنىڭ زەرتتەۋشىلەرى 70 جاستان اسقان 8700-دەن استام ادامدى باقىلاعان. ناتيجەلەر كورسەتكەندەي، اپتاسىنا ءبىر مەن التى جۇمىرتقا جەيتىندەر جۇمىرتقانى ايىنا ەكى رەت نەمەسە ودان دا سيرەك جەيتىندەرگە قاراعاندا كەز كەلگەن سەبەپتەن بولاتىن ءولىم قاۋپىن %15 عا ازايتادى. ال جۇرەك-قان تامىرلارى اۋرۋلارىنان قايتىس بولۋ قاۋپى %29 عا تومەندەگەن.

«ءبىزدىڭ ناتيجەلەرىمىز اپتاسىنا التى جۇمىرتقاعا دەيىن جەۋ ەگدە جاستاعى ادامداردا بارلىق سەبەپتەن جانە جۇرەك-قان تامىرلارى اۋرۋلارىنان بولاتىن ءولىم قاۋپىن ازايتۋى مۇمكىن ەكەنىن كورسەتەدى»، - دەدى Monash ۋنيۆەرسيتەتىنىڭ ەپيدەميولوگيا جانە الدىن الۋ مەديتسيناسى بويىنشا وقىتۋشىسى حوللي ۋايلد.

عالىمنىڭ ايتۋىنشا، جۇمىرتقا - اقۋىز بەن ماڭىزدى قورەكتىك زاتتاردىڭ، سونىڭ ىشىندە ۆ دارۋمەندەرى، فولات، قانىقپاعان ماي قىشقىلدارى، مايدا ەريتىن دارۋمەندەر (E ،D ،A جانە K)، حولين جانە ءارتۇرلى مينەرالدىڭ كوزى.

الايدا ۇزاق ۋاقىت بويى جۇمىرتقا جەۋ قانداعى حولەستەريننىڭ جوعارىلاۋىنا اكەلەدى دەگەن پىكىر بولعان. حولەستەرين دەڭگەيىنىڭ جوعارى بولۋى قان تامىرلارىنىڭ بىتەلۋىنە جانە جۇرەك اۋرۋلارى مەن ينسۋلت ءقاۋپىنىڭ ارتۋىنا سەبەپ بولۋى مۇمكىن.

وسىعان بايلانىستى زەرتتەۋشىلەر ديسليپيدەمياسى (جوعارى حولەستەرين) بار ادامدارعا قوسىمشا زەرتتەۋ جۇرگىزدى. ەۋروپالىق ەلدەردەگى ديەتالىق نۇسقاۋلىقتار ءارتۇرلى بولعانىمەن، 2020 -جىلى امەريكاندىق جۇرەك قاۋىمداستىعى جاريالاعان شولۋعا سايكەس، دەنى ساۋ ادامدارعا اپتاسىنا جەتى جۇمىرتقا جەۋگە بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى