اپتاسىنا 4 ميلليون ەۋرو - كريشتيانۋ رونالدۋ ساۋد ارابياسىندا قانشا تابىس تاپتى
پورتۋگاليا قۇراماسىنىڭ شابۋىلشىسى كريشتيانۋ رونالدۋ ساۋد ارابياسىنىڭ «ءال- ناسر» كومانداسىنا اۋىسقاننان كەيىن قانشا تابىس تاپقانى بەلگىلى بولدى. قازاقپارات اگەنتتىگى بۇل تۋرالى Sports.kz پورتالىنا سىلتەمە جاساپ حابارلايدى.
Daily Mail جۋرناليستەرىنىڭ مالىمەتىنشە، رونالدۋ تاياۋ شىعىستاعى مانسابى باستالعالى بونۋستىق تولەمدەر مەن جارنامالىق كەلىسىم- شارتتاردان تۇسكەن كىرىستى ەسەپتەمەگەندە 175 ميلليون ەۋرو تابىس تاپقان.
فۋتبوليستىڭ «ءال- ناسرعا» اۋىساتىنى وتكەن جىلدىڭ جەلتوقسان ايىندا رەسمي تۇردە جاريالاندى. رونالدۋعا ساۋد ارابياسىندا جىلىنا 200 ميلليون ەۋرو تولەنەتىنى حابارلاندى.
وسىلايشا، وعان اپتا سايىن ءتورت ميلليون ەۋرو اۋدارىلۋدا. جۇلدىزدى فۋتبولشىنىڭ كەلىسىمشارتى 2025 -جىلدىڭ جازىنا دەيىن ەسەپتەلگەن.
اۆتور
زارينا تۋعانبايەۆا
