اپتا ىشىندە ەلىمىزدە بولعان كادرلىق تاعايىنداۋلار

سونىمەن، مەملەكەت باسشىسىنىڭ وكىمىنە ساي، نۇرداۋلەت سۇيىندىكوۆ ق ر باس پروكۋراتۋراسىنىڭ اكتيۆتەردى قايتارۋ جونىندەگى كوميتەتىنىڭ ءتوراعاسى لاۋازىمىنا تاعايىندالدى.

ول ەڭبەك جولىن 2000 -جىلى شىمكەنت قالاسى پروكۋراتۋراسىنىڭ قۇقىقتىق ستاتيستيكا جانە اقپارات جونىندەگى مامانى قىزمەتىنەن باستادى. وڭتۇستىك قازاقستان وبلىسى ارىس اۋدانى پروكۋرورىنىڭ اعا كومەكشىسى، شىمكەنت قالاسى پروكۋراتۋراسىنىڭ ءبولىم پروكۋرورى، ءبولىم باستىعى قىزمەتتەرىن اتقاردى.

2023 -جىلعى 16-قاڭتاردان قازىرگە دەيىن حالىقارالىق- قۇقىقتىق ىنتىماقتاستىق قىزمەتىنىڭ باستىعى بولىپ قىزمەت ەتتى.

پرەزيدەنتتىڭ ءتيىستى وكىمىمەن عالىمجان قويگەلديەۆ ق ر باس پروكۋرورىنىڭ ورىنباسارى بولىپ تاعايىندالدى.

عالىمجان قويگەلديەۆ 1980 -جىلى 3-قاڭتاردا جامبىل وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا بىتىرگەن.

ءال-فارابي اتىنداعى قازاق ۇلتتىق ۋنيۆەرسيتەتى زاڭ فاكۋلتەتىنىڭ ازاماتتىق جانە كاسىپكەرلىك قۇقىق كافەدراسىنىڭ وقىتۋشىسى، سىرتقى ىستەر مينيسترلىگىنىڭ شارۋاشىلىق باسقارماسى كونسۋلدىق قىزمەت دەپارتامەنتىنىڭ مامانى، سىرتقى ىستەر مينيسترلىگى اپپاراتىنىڭ اتتاشەسى، قازاقستان رەسپۋبليكاسىنىڭ مونعولياداعى ەلشىلىگىنىڭ ءۇشىنشى، ەكىنشى حاتشىسى بولىپ ەڭبەك ەتكەن.

2022 -جىلعى 16-قاراشادان بۇگىنگە دەيىن باس پروكۋرور اپپاراتىنىڭ باسشىسى قىزمەتىن اتقاردى.

سونداي-اق قازاقستان باس پروكۋرورىنىڭ بۇيرىعىمەن حالىقارالىق- قۇقىقتىق ىنتىماقتاستىق قىزمەتىنىڭ باستىعى لاۋازىمىنا ايبەك نۇراحمەتوۆ تاعايىندالدى.

ول ەڭبەك جولىن 2002 -جىلى استانا قالاسىنىڭ پروكۋراتۋراسىندا باستاعان. اۋدان پروكۋراتۋراسىنىڭ ستاجەرى، ءبولىم پروكۋرورى، پروكۋروردىڭ كومەكشىسى، اعا كومەكشىسى لاۋازىمدارىندا جۇمىس ىستەدى.

2022 -جىلدىڭ قاراشا ايىنان باستاپ باس پروكۋروردىڭ ارنايى تاپسىرمالار بويىنشا اعا كومەكشىسى بولدى.

ال پرەزيدەنت اكىمشىلىگىنىڭ جانە قالا ءماسليحاتى دەپۋتاتتارىنىڭ كەلىسىمى بويىنشا استانانىڭ بايقوڭىر اۋدانىنا تالعات راحمانبەردى اكىم بولدى.

ت. راحمانبەردى ەڭبەك جولىن 2004 -جىلى «جامبىل وبلىسىنىڭ ستۋدەنتتەر مەن جاستار وداعى» جاستار قوعامدىق بىرلەستىگىندە باستاعان (تاراز قالاسى). ءار جىلدارى «استانا قالاسىنىڭ ستۋدەنتتىك قۇرىلىس جانە جاستار ەڭبەك جاساقتارىنىڭ شتابى» قوعامدىق بىرلەستىگىن باسقاردى، ق ر باس پروكۋراتۋرا ينستيتۋتىنىڭ (استانا قالاسى) قىلمىستىق پروتسەستىڭ جانە جەدەل- ىزدەستىرۋ قىزمەتىنىڭ زاڭدىلىعىن قاداعالاۋ بويىنشا بىلىكتىلىكتى ارتتىرۋ بولىمىندە اعا پروكۋرور، «استانا قالاسىنىڭ جاستار ساياساتى ماسەلەلەرى باسقارماسى» م م باسشىسى جانە تاعى باسقا قىزمەتتەردى اتقاردى.

ول كەيىنگى جىلدارى «استانا قالاسىنىڭ قوعامدىق دامۋ باسقارماسى» م م، «استانا قالاسىنىڭ ىشكى ساياسات باسقارماسى» م م باسشىسى، قالا اكىمىنىڭ كەڭەسشىسى لاۋازىمدارىن اتقاردى.

بۇعان قوسا ايبەك كوپەنوۆ اقتوبە وبلىسى بايعانين اۋدانىنا اكىم بولىپ تاعايىندالدى.

ايبەك كوپەنوۆ 1985 -جىلى اقتوبە وبلىسىندا دۇنيەگە كەلگەن. 2007 -جىلى اقتوبە مەملەكەتتىك پەداگوگيكا ينستيتۋتىن، 2020 -جىلى قازاق- ورىس حالىقارالىق ۋنيۆەرسيتەتىن ءتامامداعان.

ەڭبەك جولىن 2008 -جىلى اقتوبە وبلىسىنىڭ بالالار قۇقىعىن قورعاۋ دەپارتامەنتىنىڭ جەتەكشى مامانى بولىپ باستاعان. 2022 -جىلدىڭ قازان ايىنان باستاپ بۇگىنگى كۇنگە دەيىن اقتوبە قالاسى استانا اۋدانىنىڭ اكىمى لاۋازىمىن ورىندادى.

سونىمەن قاتار پەتروپاۆل قالاسى اكىمىنىڭ ورىنباسارى بولىپ ءبىرجان كوشەربايەۆ تاعايىندالدى. ول قۇرىلىس جانە جەدەل ماسەلەلەرگە جاۋاپ بەرەتىن بولادى.

ءبىرجان سايلاۋ ۇلى 1994 -جىلى 7-قاڭتاردا س ق و اققايىڭ اۋدانى رۋبليەۆكا اۋىلىندا دۇنيەگە كەلگەن. 2016 -جىلى ماسكەۋ قالاسىندا ۇلتتىق بيزنەس ينستيتۋتىن بىتىرگەن.

ەڭبەك جولىن 2013 -جىلى س ق و بويىنشا مەملەكەتتىك ساۋلەت- قۇرىلىس باقىلاۋ جانە ليتسەنزيالاۋ دەپارتامەنتىندە زاڭگەر كومەكشىسى قىزمەتىنەن باستاعان. وسى تاعايىنداۋعا دەيىن سولتۇستىك قازاقستان وبلىسى اكىمدىگىنىڭ مەملەكەتتىك ساۋلەت- قۇرىلىس باقىلاۋ جانە ليتسەنزيالاۋ باسقارماسىنىڭ باسشىسى لاۋازىمىندا جۇمىس ىستەدى.

ال قانات مومىنوۆ بولسا ەندى پاۆلودار وبلىستىق مەملەكەتتىك ساتىپ الۋ باسقارماسىنا باسشىلىق ەتەدى.

قانات العابەك ۇلى 1990 -جىلى تۋعان. 2012 -جىلى م. ساپاربايەۆ اتىنداعى وڭتۇستىك قازاقستان گۋمانيتارلىق ينستيتۋتىن «قارجى» ماماندىعى بويىنشا اياقتادى.

ەڭبەك جولىن 2007 -جىلى باعدارلاماشى بولىپ باستاپ، كەيىن ءتۇرلى ۇيىمداردا بۋحگالتەر بولىپ جۇمىس ىستەدى. 2023 -جىلدىڭ مامىر ايىنان وسى تاعايىنداۋعا دەيىن قازاقستاندىق قوعامدىق دامۋ ينستيتۋتىنىڭ ىشكى اۋديت قىزمەتىنىڭ باسشىسى بولدى.

شىمكەنت قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى بولىپ نۇربول جۇنىسبەكوۆ تاعايىندالدى.

نۇربول ءابدىراحمان ۇلى 1985 -جىلى 15-قىركۇيەكتە سايرام اۋدانىندا دۇنيەگە كەلگەن. س. سەيفۋللين اتىنداعى قازاق اگرارلىق ۋنيۆەرسيتەتى جانە تاراز يننوۆاتسيالىق- گۋمانيتارلىق ۋنيۆەرسيتەتىنىڭ تۇلەگى. ماماندىعى - جەر رەسۋرستارىن باسقارۋ جانە جەردى ۇيلەستىرۋ ينجەنەرى، زاڭگەر.

ەڭبەك جولىن 2009 -جىلى شىمكەنت قالاسىنىڭ جەر كاداسترى فيليالىندا ينجەنەر، جەرگە ورنالاستىرۋشى بولىپ باستادى. كەيىنگى جىلدارى شىمكەنت قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسى باسشىسىنىڭ ورىنباسارى قىزمەتىن اتقارعان.

مۇنىمەن قاتار، ەندى اسقار تولەشيەۆ تۇركىستان وبلىسى توتەنشە جاعدايلار دەپارتامەنتىن باسقارادى.

تولەشيەۆ داۋلەتباي ۇلى 1975 -جىلى اقتوبە وبلىسى اقتوبە قالاسىندا دۇنيەگە كەلگەن. 1996 -جىلى وزبەكستان رەسپۋبليكاسى ءىىم تاشكەنت جوعارى ءورت- تەحنيكالىق مەكتەبىن بىتىرگەن. ماماندىعى - «ءورت قاۋىپسىزدىگى». ول بۇرىن اقتوبە وبلىسى توتەنشە جاعدايلار دەپارتامەنتى باسشىسىنىڭ ورىنباسارى قىزمەتىن اتقارعان.

ال الماتى قالاسى توتەنشە جاعدايلار دەپارتامەنتىنىڭ باستىعى بولىپ پولكوۆنيك نۇرلان اتىعايەۆ تاعايىندالدى.

ول 1978 -جىلى كوكشەتاۋ وبلىسىندا دۇنيەگە كەلگەن. ق ر توتەنشە جاعدايلار اگەنتتىگىنىڭ كوكشەتاۋ تەحنيكالىق ينستيتۋتىن بىتىرگەن. ەڭبەك جولىن سولتۇستىك قازاقستان وبلىسى مەملەكەتتىك ورتكە قارسى قىزمەتىنىڭ ايىرتاۋ اۋدانى №7-ءورت ءسوندىرۋ ءبولىمىنىڭ ينسپەكتورى بولىپ باستادى. ءار جىلدارى سولتۇستىك قازاقستان وبلىسىنىڭ توتەنشە جاعدايلار دەپارتامەنتى تايىنشا اۋدانى توتەنشە جاعدايلار ءبولىمىنىڭ باستىعى، مەملەكەتتىك ءورت باقىلاۋ باسقارماسىنىڭ باستىعى، دەپارتامەنت باستىعىنىڭ ورىنباسارى لاۋازىمىندا قىزمەت اتقاردى.

2020 -جىلدىڭ جەلتوقسان ايىنان 2023 -جىلعى قازان ايىنا دەيىنگى ارالىقتا اقمولا وبلىسى توتەنشە جاعدايلار دەپارتامەنتى باستىعىنىڭ ورىنباسارى قىزمەتىن اتقاردى.

توتەنشە جاعدايلار ءمينيسترىنىڭ بۇيرىعىمەن نۇرلان بەكبوسىنوۆ جەتىسۋ وبلىسى ت ج د باستىعى بولىپ تاعايىندالدى.

نۇرلان بەكبوسىنوۆ 1971 -جىلى قاراعاندى وبلىسىندا دۇنيەگە كەلگەن. ازاماتتىق قورعاۋ ورگاندارىندا 1993 -جىلدان باستاپ قىزمەت ەتەدى. ەڭبەك جولىن جەزقازعان وبلىسى ءى ءى ب اسكەريلەندىرىلگەن ءورت كۇزەتى، ساياق كەنتىنىڭ جەكە بەكەتىنىڭ باستىعى قىزمەتىنەن باستادى.

2010-2023 -جىلدارى قاراعاندى وبلىسى ت ج دەپارتامەنتىنىڭ بولىمشەلەرىندە ءارتۇرلى باسشىلىق لاۋازىمداردى اتقاردى. بۇعان دەيىن قاراعاندى وبلىسى ت ج د باستىعىنىڭ ورىنباسارى بولدى.

بۇعان قوسا باتىس قازاقستان وبلىسى اكىمىنىڭ وكىمىمەن جەڭىس نىعمەتۋللين ب ق و دەنە شىنىقتىرۋ جانە سپورت باسقارماسىنىڭ باسشىسى بولىپ تاعايىندالدى.

جەڭىس ماحامبەت ۇلى 1984 -جىلى باتىس قازاقستان وبلىسى اقجايىق اۋدانىندا دۇنيەگە كەلگەن. ورال ەڭبەك جانە الەۋمەتتىك قاتىناستار اكادەمياسىن «زاڭگەر»، باتىس قازاقستان ينجەنەرلىك- گۋمانيتارلىق ۋنيۆەرسيتەتىن «قارجى» ماماندىقتارى بويىنشا بىتىرگەن.

ەڭبەك جولىن 2007 -جىلى ب ق و قارجى دەپارتامەنتىنىڭ وپەراتورى بولىپ باستادى. 2017 -جىلدان كۇنى بۇگىنگە دەيىن ب ق و دەنە شىنىقتىرۋ جانە سپورت باسقارماسى باسشىسىنىڭ ورىنباسارى قىزمەتىن اتقاردى.

اباي وبلىسى باقىلاۋ باسقارماسىنىڭ باسشىسى لاۋازىمىنا شىڭعىس امانجولوۆ تاعايىندالدى.

شىڭعىس نياز ۇلى 1986 -جىلى 6-مامىردا قاراعاندى وبلىسى بالقاش قالاسىندا دۇنيەگە كەلگەن. 2007 -جىلى پاۆلودار مەملەكەتتىك ۋنيۆەرسيتەتىن «قۇرىلىس» ماماندىعى بويىنشا بىتىرگەن. 2013 -جىلى سول ۋنيۆەرسيتەتتە «مەملەكەتتىك جانە جەرگىلىكتى باسقارۋ» ماماندىعى بويىنشا وقۋىن اياقتادى.

ەڭبەك جولىن 2007 -جىلى «اليۋميني كازاحستانا» ا ق قۇرىلىس- مونتاج جۇمىستارى سەحىنىڭ 3-ساناتتاعى شەبەر-بەتونشىسى بولىپ باستادى.

وسى لاۋازىمعا تاعايىندالعانعا دەيىن اباي وبلىسى باقىلاۋ باسقارماسى باسشىسىنىڭ ورىنباسارى بولدى.

شىعىس قازاقستان وبلىستىق قوعامدىق دامۋ باسقارماسىنىڭ باسشىسى لاۋازىمىنا سەرىك جەڭىسوۆ تاعايىندالدى.

سەرىك جەڭىس ۇلى 1983 -جىلى 27-قاراشادا شىعىس قازاقستان وبلىسى كاتونقاراعاي اۋدانىندا دۇنيەگە كەلگەن. 2005 -جىلى س. امانجولوۆ اتىنداعى شىعىس قازاقستان ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا، 2006 -جىلى اتالعان ۋنيۆەرسيتەتتىڭ ماگيستراتۋراسىن «ەكونوميكا» ماماندىعى بويىنشا ءتامامداعان.

ەڭبەك جولىن 2005 -جىلى وسكەمەن قالاسىنىڭ ىشكى ساياسات بولىمىندە قوعامدىق پىكىردى مونيتورينگتەۋ جانە تالداۋ، بۇقارالىق ساياسي جۇمىس ءبولىمىنىڭ جەتەكشى مامانى بولىپ باستادى. قازىرگى لاۋازىمعا تاعايىندالماس بۇرىن وسكەمەن قالاسى اكىمى اپپاراتىنىڭ باسشىسى قىزمەتىن اتقارعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى