اپتا ىشىندە بولعان كادرلىق تاعايىنداۋلار

سۋ رەسۋرستارى جانە يرريگاتسيا ءمينيسترىنىڭ بۇيرىعىمەن ءمۇسلىم جيەنبايەۆ عىلىم جانە يننوۆاتسيا دەپارتامەنتىنىڭ ديرەكتورى بولىپ تاعايىندالدى.

ءمۇسلىم رىسماحان ۇلى 1967-جىلى 6-جەلتوقساندا جامبىل وبلىسىندا دۇنيەگە كەلگەن. 1994 - جىلى جامبىل گيدرومەليوراتيۆتىك قۇرىلىس ينستيتۋتىن بىتىرگەن.

ەڭبەك جولىن 1985 - جىلى جۇمىسشى بولىپ باستادى.

1995-2003 جىلدارى تاراز قالاسىنىڭ سۋ شارۋاشىلىعى عىلىمي- زەرتتەۋ ينستيتۋتى زەرتحاناسىنىڭ اسپيرانتى، كىشى عىلىمي قىزمەتكەرى، اعا عىلىمي قىزمەتكەرى؛

2003-2006 جىلدارى «قازاگرومەليس ۋش ا ر» رم و م م نورماتيۆتىك- ادىستەمەلىك قامتاماسىز ەتۋ ءبولىمىنىڭ باسشىسى، جەتەكشى عىلىمي قىزمەتكەر - ءبولىم باستىعى؛

2006-2014 جىلدارى سۋ رەسۋرستارى كوميتەتىنىڭ مامانى، باس مامانى، ءبولىم باسشىسى، باس ساراپشىسى، باسقارما باسشىسى؛

2014-2019 جىلدارى ترانس شەكارالىق وزەندەر دەپارتامەنتى باسقارماسىنىڭ باسشىسى؛

2019-2022 جىلدارى ق ر ەكولوگيا، گەولوگيا جانە تابيعي رەسۋرستار مينيسترلىگى ترانسشەكارالىق وزەندەر دەپارتامەنتى ديرەكتورىنىڭ ورىنباسارى بولدى.

عالىمجان مولداش ق ر س ري م ىشكى اۋديت دەپارتامەنتىنىڭ ديرەكتورى بولىپ تاعايىندالدى.

عالىمجان ءومىرالى ۇلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، قازتۇتىنۋ وداعى قاراعاندى ەكونوميكالىق ۋنيۆەرسيتەتىن جانە قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن بىتىرگەن.

قۇقىقتىق جانە ەكونوميكالىق ءبىلىمى بار.

ەڭبەك جولىن 1999 - جىلى «زاڭگەر» ج ش س زاڭ اگەنتتىگى ديرەكتورىنىڭ كومەكشىسى بولىپ باستادى.

2000-2008 جىلدارى استانا قالاسى ەڭبەك، جۇمىسپەن قامتۋ جانە حالىقتى الەۋمەتتىك قورعاۋ دەپارتامەنتىنىڭ جەتەكشى مامانى، باس مامانى، ءبولىم باسشىسى، دەپارتامەنت باسشىسىنىڭ ورىنباسارى بولدى.

2008-2010 جىلدارى استانا قالاسى قارجى باسقارماسى باسشىسىنىڭ ورىنباسارى، 2010-2011 جىلدارى استانا قالاسى ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى، 2011-2018 جىلدارى استانا قالاسى بويىنشا تەكسەرۋ كوميسسياسىنىڭ ءتوراعاسى، 2020-2022 جىلدارى ق ر ءبىلىم جانە عىلىم مينيسترلىگى ىشكى اۋديت دەپارتامەنتىنىڭ ديرەكتورى، 2022 - جىلعى ناۋرىزدان قازانعا دەيىن ق ر ءبىلىم جانە عىلىم مينيسترلىگى قارجى جانە بيۋدجەتتىك جوسپارلاۋ دەپارتامەنتىنىڭ ديرەكتورى، 2022 - جىلعى قازاننان 2023 - جىلعى قاراشاعا دەيىن ق ر وقۋ-اعارتۋ مينيسترلىگى بيۋدجەتتىك جوسپارلاۋ دەپارتامەنتىنىڭ ديرەكتورى قىزمەتىن اتقارعان.

ءاسيا بايمۇرات ق ر س ري م كادر جۇمىسى دەپارتامەنتىنىڭ ديرەكتورى بولىپ تاعايىندالدى.

ءاسيا بايمۇرات قىزى 1979 -جىلى 27 -قاراشادا اقتوبە وبلىسىندا دۇنيەگە كەلگەن.

2001 -جىلى قازاق مەملەكەتتىك زاڭ اكادەمياسىن «قۇقىق تانۋ» ماماندىعى بويىنشا بىتىرگەن.

ەڭبەك جولىن 2001 -جىلى قازاق مەملەكەتتىك زاڭ اكادەمياسىندا وقىتۋشى بولىپ باستادى.

2002-2008 جىلدارى - وقىتۋشى، سەكتسيا مەڭگەرۋشىسى، مەملەكەتتىك- قۇقىقتىق پاندەر كافەدراسىنىڭ مەڭگەرۋشىسى؛ 2009-2011 جىلدارى زاڭگەر؛ 2012-2018 جىلدارى اكىمشىلىك- كادر جۇمىسى جانە قۇقىقتىق قامتاماسىز ەتۋ ءبولىمىنىڭ باس مامانى، باسشىسى؛ 2018-2021 جىلدارى ەكولوگيالىق رەتتەۋ جانە باقىلاۋ كوميتەتىنىڭ اكىمشىلىك- كادر جۇمىسى باسقارماسىنىڭ باسشىسى. 2021-2023 جىلدارى ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ اكىمشىلىك جانە كادر جۇمىسى دەپارتامەنتى ديرەكتورىنىڭ ورىنباسارى بولدى.

شىمكەنت اكىمىنىڭ وكىمىمەن باحتيار ونەربايەۆ قالالىق ىشكى ساياسات جانە جاستار ىستەرى جونىندەگى باسقارماسىنىڭ باسشىسى لاۋازىمىنا تاعايىندالدى.

باحتيار ءالتاي ۇلى 1967-جىلعى 9-اقپاندا وڭتۇستىك قازاقستان وبلىسى تولەبي اۋدانى كوكسايەك اۋىلىندا تۋعان.

س. م. كيروۆ اتىنداعى قازاق مەملەكەتتىك ۋنيۆەرسيتەتىنىڭ جانە قىرعىز مەملەكەتتىك ۇلتتىق ۋنيۆەرسيتەتىنىڭ تۇلەگى. ماماندىعى - حيميا، قۇقىقتانۋ.

ەڭبەك جولىن 1989 - جىلى قازاقتىڭ ەڭبەك قىزىل تۋ وردەندى س. م. كيروۆ اتىنداعى مەملەكەتتىك ۋنيۆەرسيتەتى ورگانيكالىق ەمەس حيميا كافەدراسىنىڭ اعا پرەپاراتورى بولىپ باستاعان.

1990-2012 جىلدارى الماتى قالاسى جەكەشەلەندىرۋ كوميتەتىندە، الماتى قالاسى جەتىسۋ اۋدانى اكىمدىگىندە، پرەزيدەنتتىڭ ءىس باسقارماسىندا، جوعارعى سوتتا جانە پارلامەنت سەناتىنىڭ اپپاراتىندا جاۋاپتى باسشىلىق قىزمەتتەر اتقاردى.

2014-2016 جىلدارى الماتى وبلىسى اكىمىنىڭ ورىنباسارى، 2016-2020 جىلدارى الماتى وبلىسى تەكەلى قالاسىنىڭ اكىمى، 2020 - جىلى الماتى وبلىسى اكىمىنىڭ استانا قالاسىنداعى كەڭەسشىسى لاۋازىمدارىندا ەڭبەك ەتتى.

2020 -جىلدىڭ جەلتوقسان ايىنان باستاپ بۇگىنگى كۇنگە دەيىن ەڭبەك جانە حالىقتى الەۋمەتتىك قورعاۋ مينيسترلىگى ەڭبەك، الەۋمەتتىك قورعاۋ جانە كوشى- قون كوميتەتىنىڭ شىمكەنت قالاسى بويىنشا دەپارتامەنتىنىڭ باسشىسى بولدى.

شىمكەنت اكىمىنىڭ وكىمىمەن قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى لاۋازىمىنا جانات وتەبايەۆا كەلدى.

جانات ومىرسەيىت قىزى 1970 - جىلى تۇركىستان وبلىسى، ورداباسى اۋدانى، شۇبار اۋىلىندا دۇنيەگە كەلگەن.

الماتى حالىق شارۋاشىلىعى ينستيتۋتىن «قارجى جانە نەسيە» ماماندىعى بويىنشا اياقتاعان.

ەڭبەك جولىن 1991 - جىلى قازاق س س ر جيناق بانكى شىمكەنت وبلىستىق باسقارماسىنىڭ بۋحالتەرلىك ەسەپ ءبولىمىنىڭ ينسپەكتورى بولىپ باستاعان.

1992-2022 جىلدار ارالىعىندا جەكە سەكتوردا جانە الەۋمەتتىك سالادا جاۋاپتى باسشىلىق قىزمەتتەر اتقاردى.

2022 - جىلدىڭ مامىر ايىنان باستاپ بۇگىنگى كۇنگە دەيىن شىمكەنت قالاسى اكىمدىگىنە قاراستى تۇرعىن ءۇي باسقارماسىنىڭ باسشىسى لاۋازىمىندا ەڭبەك ەتتى.

قاراعاندى وبلىسى بويىنشا اۋماقتىق ستاتيستيكا دەپارتامەنتىنىڭ باسشىسى بولىپ ساۋلە كومۋتوۆا تاعايىندالدى.

ساۋلە كومۋتوۆا كاسىپكەرلىك جانە مەنەدجمەنت مادەنيەتى ينستيتۋتىن «ەكونوميكا جانە مەنەدجمەنت» ماماندىعى بويىنشا بىتىرگەن.

ول ەڭبەك جولىن 1997 - جىلى قاراعاندى وبلىستىق ستاتيستيكا باسقارماسىنىڭ حالىق جانە ەڭبەك ستاتيستيكاسى ءبولىمىنىڭ مامانى بولىپ باستادى.

ءارى قاراي قۇرىلىس جانە ينۆەستيتسيا ستاتيستيكاسى توبىنىڭ مەڭگەرۋشىسى بولدى.

1999-2001 جىلدارى اقپارات- ستاتيستيكا ورتالىعىنىڭ وندىرىستىك سالا ءبولىمىنىڭ باستىعى بولىپ جۇمىس ىستەدى.

كەيىنگى جىلدارى اۋماقتىق ستاتيستيكا ورگانىندا ءارتۇرلى لاۋازىمداردا ەڭبەكتەندى.

2009 - جىلدان باستاپ قاراعاندى وبلىسىنىڭ ستاتيستيكا ءبولىمى باسشىسىنىڭ ورىنباسارى قىزمەتىن اتقاردى.

«قازاقستان رەسپۋبليكاسىنىڭ تاۋەلسىزدىگىنە 20 جىل» مەرەيتوي مەدالىمەن، «ستاتيستيكا ۇزدىگى» توسبەلگىسىمەن ماراپاتتالعان.

اسلانبەك شۇيىنشاليەۆ اقتوبە قالاسى الماتى اۋدانىنىڭ اكىمى بولىپ تاعايىندالدى.

اسلانبەك شۇيىنشاليەۆ 1988 - جىلى دۇنيەگە كەلگەن.

قازاق- ورىس حالىقارالىق ۋنيۆەرسيتەتىن «قۇقىقتانۋ» ، الماتى ەكونوميكا جانە ستاتيستيكا اكادەمياسىن «ەكونوميكا» ، ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىن «وڭىرلىك دامۋ» بىلىكتىلىگى بويىنشا اياقتاعان.

اقتوبە وبلىسىنىڭ بالالاردىڭ قۇقىقتارىن قورعاۋ دەپارتامەنتىندە، اقتوبە جانە باتىس قازاقستان وبلىستارى بويىنشا باسەكەلەستىكتى قورعاۋ (مونوپولياعا قارسى) ينسپەكتسياسىندا، وبلىس بويىنشا اۋماقتىق جەر ينسپەكتسياسىندا جۇمىس ىستەگەن. قارعالى اۋداندىق تۇرعىن ءۇي- كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمىنىڭ باسشىسى، قارعالى اۋدانى بادامشا اۋىلدىق وكرۋگىنىڭ اكىمى، العا اۋداندىق قارجى ءبولىمىنىڭ باسشىسى، وبلىس اكىمى اپپاراتىنىڭ ۇيىمداستىرۋ-ينسپەكتورلىق جانە تالداۋ ءبولىمىنىڭ باس ينسپەكتورى، قارعالى اۋدانى اكىمىنىڭ ورىنباسارى، وبلىس اكىمى اپپاراتىنىڭ قۇقىق قورعاۋ ورگاندارىمەن ءوزارا ارەكەتتەسۋ ءبولىمىنىڭ باسشىسى بولىپ قىزمەت اتقاردى.

وسى لاۋازىمعا تاعايىندالعانعا دەيىن اقتوبە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى بولدى.

اقتوبە وبلىسى مارتوك اۋدانى اكىمى قىزمەتىنە مەدەت ىسقاقوۆ تاعايىندالدى.

ول ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن، الماتى ەكونوميكا جانە ستاتيستيكا اكادەمياسىن ءتامامداعان.

ەڭبەك جولىن 2000 -جىلى ق. مەدەتوۆ اتىنداعى مارتوك بالالار ونەر مەكتەبىنىڭ ءمۇعالىمى بولىپ باستاپ، مەكتەپ ديرەكتورى قىزمەتىنە دەيىن كوتەرىلگەن.

2016-2021 جىلدارى قاراتوعاي اۋىلدىق وكرۋگىنىڭ اكىمى، مارتوك اۋداندىق مادەنيەت جانە تىلدەردى دامىتۋ ءبولىمىنىڭ باسشىسى، مارتوك اۋدانى اكىمىنىڭ ورىنباسارى قىزمەتتەرىن اتقارعان.

2021-2022 جىلدارى اقتوبە وبلىسىنىڭ تىلدەردى دامىتۋ باسقارماسىن باسقاردى.

2022 - جىلدىڭ قازان ايىنان باستاپ وسى ۋاقىتقا دەيىن اقتوبە قالاسى الماتى اۋدانىنىڭ اكىمى لاۋازىمىندا بولدى.

ءادىلجان ارعىنوۆ قارقارالى اۋدانىنىڭ اكىمى قىزمەتىنە تاعايىندالدى.

ءادىلجان ارعىنوۆ ەڭبەك جولىن 2007 - جىلى قارقارالى قالاسىنداعى ورتا مەكتەپ ءمۇعالىمى بولىپ باستاعان.

2013 - جىلدان باستاپ مەملەكەتتىك قىزمەتتە. قاراعاندى وبلىسى اۋىل شارۋاشىلىعى باسقارماسىنىڭ باس مامانى بولىپ جۇمىس ىستەدى.

2015 - جىلدان 2022 -جىلعا دەيىن قازاقستان رەسپۋبليكاسى ۇلتتىق ەكونوميكا مينيسترلىگىندە ساراپشىدان شاعىن جانە مونوقالالاردى دامىتۋ باسقارماسىنىڭ باسشىسىنا دەيىنگى جول ءوتتى.

2022 - جىلدىڭ شىلدەسىنەن باستاپ وسى تاعايىنداۋعا دەيىن قارقارالى اۋدانى اكىمىنىڭ ورىنباسارى بولىپ جۇمىس ىستەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى