اتا-اناعا جانساقتاۋ بولىمىندە بالامەن بىرگە بولۋعا رۇقسات بەرىلەدى

بۇعان قاتىستى بۇيرىق جوباسى «اشىق ن ق ا» پورتالىندا جاريالاندى.

«اشىق رەانيماتسيا» قاعيداتى - انەستەزيولوگيا جانە رەانيماتسيا جانە قارقىندى تەراپيا بولىمشەسىندە بالالاردىڭ تاۋلىك بويى زاڭدى وكىلدەرىمەن بىرگە بولۋىن ۇيىمداستىرۋدى كوزدەيدى، - دەلىنگەن قۇجاتتا.

وسىلايشا «اشىق رەانيماتسيا» قاعيداتى مۇگەدەكتىگى بار، ونكوگەماتولوگيالىق اۋرۋلارى بار، پاللياتيۆتىك كومەككە مۇقتاج بالالارعا، ءولىم اۋزىنداعى بالالارعا، جەتىم جانە اتا-اناسىنىڭ قامقورلىعىنسىز قالعان بالالارعا قولدانىلماق.

دەنساۋلىق ساقتاۋ مينيسترلىگىنىڭ مالىمەتىنشە، اتالعان ستاندارتتى ەنگىزۋ بالالارعا انەستەزيولوگيالىق جانە رەانيماتولوگيالىق كومەك كورسەتۋگە وڭ ىقپال ەتەدى. سونىمەن قاتار تەرىس سالدارى جوق جانە قوسىمشا شىعىندى قاجەت ەتپەيدى.

قۇجات جوباسى 28-اقپانعا دەيىن قوعامدىق تالقىلاۋعا ۇسىنىلىپ وتىر.

ايتا كەتسەك، قازاقستاندا В جانە С ۆيرۋستىق گەپاتيتتەرىن انىقتاۋعا ارنالعان سكرينينگ ەنگىزىلىپ جاتىر.

سونداي-اق ەندىگى ۋاقىتتا جەكە مەديتسينالىق كىتاپشالار قازىر ونلاين رەجيمىندە قولجەتىمدى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى