اسىراپ العان جەتىم بالاسىن مەملەكەتكە قايتارىپ، ونىڭ پاتەرىن جالعا بەرگەن

سولتۇستىك قازاقستان وبلىسىنىڭ پروكۋرورلارى پەتروپاۆل تۇرعىنىنىڭ ءوز قامقورلىعىنا العان جەتىم بالانىڭ قۇقىعىن بۇزىپ كەلگەنىن انىقتادى، دەيدى قازاقپارات ءتىلشىسى. 
پەتروپاۆل قالاسىنىڭ اكىمدىگى بەكىتكەن قامقورشى س. قۇقىعىن اسىرا پايدالانىپ جانە «نەكە جانە وتباسى تۋرالى» كودەكس تالاپتارىن بۇزا وتىرىپ، قامقورشىلىق ورگانىنىڭ رۇقساتىنسىز ۇزاق ۋاقىت بويى جەتىم بالانىڭ پاتەرىن زاڭسىز جالعا بەرىپ كەلگەن.
ول ءوزىنىڭ زاڭسىز ارەكەتىن بالانى بالالار ۇيىنە قايتارعاننان كەيىن دە جانە قامقورشىلىق الىنعاننان كەيىن دە جالعاستىرا بەرگەن.
انىقتالعان زاڭ بۇزۋشىلىق بويىنشا قاداعالاۋ ورگانى كىنالى لاۋازىمدى تۇلعالاردى جاۋاپكەرشىلىككە تارتۋ جانە سايكەس شارالاردى قابىلداۋ ارقىلى زاڭبۇزۋشىلىقتى جويۋ جونىندە ۇسىنىس ەنگىزدى.
سونداي-اق وسى فاكتىگە قاتىستى 12-قىركۇيەكتە پروكۋراتۋرا ورگاندارىنىڭ ماتەريالدارى بويىنشا پەتروپاۆل قالاسىنىڭ پوليتسياسى ق ر قىلمىستىق كودەكسىنىڭ 142-بابى «قورعانشى نەمەسە قامقورشى قۇقىقتارىن تەرىس پايدالانۋ» بويىنشا سوتقا دەيىنگى تەرگەپ-تەكسەرۋدى باستادى.
قازىرگى ۋاقىتتا بالاعا كەلتىرىلگەن شىعىندى انىقتاۋ ماقساتىندا سوتقا دەيىنگى تەرگەۋ ءجۇرىپ جاتىر.
ءىس وبلىس پروكۋراتۋراسىنىڭ باقىلاۋىندا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى