اسىراپ العان جەتكىنشەكتەردى كوبىنە تۋىستارى بالالار ۇيىنە قايتارادى

«قازاقستاندا بالا اسىراپ العىسى كەلەتىندەر سانى جىل سايىن كوبەيىپ كەلەدى. ءبىراق اسىراپ الىنعان جەتكىنشەكتەردى بالالار ۇيىنە قايتارۋ كورسەتكىشى ازايماي تۇر. ماسەلەن، كەيىنگى 5 جىلدا قايتارىلعان بالالار سانى 64 پايىزعا ءوستى. 2020 -جىلى 160 بالا، 2021 -جىلى – 197، ال 2022 -جىلى 217 جەتكىنشەكتى بالالار ۇيىنە قايتارعان. وسى كورسەتكىشتىڭ وسۋىنە نە سەبەپ؟»، - دەپ سۇرادى ءماجىلىس دەپۋتاتى ەربولات ساۋرىقوۆ.

ءوز كەزەگىندە ۆيتسە-مينيستر ە. وسپان اتالعان دەرەكتەردى راستادى.

«بالا اسىراپ الۋشىلاردىڭ كەيبىرىنىڭ ءبىراز ۋاقىتتان كەيىن جەتكىنشەكتەردى بالالار ۇيىنە قايتارۋ فاكتىلەرى بار. بۇل كورسەتكىشتىڭ وسكەنىن راستايمىز. بۇل ماسەلەگە جاسالعان تالداۋعا توقتالساق، نەگىزىنەن بالالاردى تۋىستارى اسىراپ العان جاعدايدا، قايتارۋ وقيعالارى بولىپ جاتادى. 13-18 جاس ارالىعىندا سول جاسوسپىرىمدەردى كوبىنە تۋىستارى قايتادان بالالار ۇيىنە تاپسىرادى. اتاپ ايتقاندا، قازىر پارلامەنت ءماجىلىسىنىڭ قاراۋىندا بالالاردىڭ قۇقىعىن قورعاۋ تۋرالى زاڭ بار. وسى قۇجات اياسىندا كاسىبي اسىراپ الۋشى وتباسى ينستيتۋتى ەنگىزىلىپ جاتىر. بۇل ينستيتۋت ماسەلەنى شەشۋگە سەپتىگىن تيگىزەدى دەپ ويلامىز، سەبەبى كوبىنە بالالاردى اسىراپ العان كاسىبي وتباسىلاردا جەتكىنشەكتەر تۇراقتى تۇردە قالىپ جاتقانىن بايقادىق. سول زاڭ بويىنشا كەز كەلگەن بالا اسىراپ الۋشىعا ارنايى تاجىريبەسى بار بالالاردى قولداۋ ورتالىعىنىڭ مامانى كومەك جاسايدى»، - دەدى ەدىل وسپان.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى