پاسپورت پەن جەكە كۋالىككە تاپسىرىس بەرەتىن تاعى 26 تەرمينال ورناتىلادى
2024 -جىلى رەسپۋبليكا بويىنشا پاسپورتقا نەمەسە كۋالىككە تاپسىرىس بەرەتىن 26 تەرمينال ورناتىلادى. بۇل تۋرالى ۇكىمەت وتىرىسىندا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ءتوراعاسى ارمان كەنجەعاليەۆ ايتتى، دەپ حابارلايدى Kazinform.
«پروتسەستەردى سيفرلاندىرۋ جوبالارىنا توقتالسام، ءبىرىنشى جوبا - قۇجاتتاندىرۋ تەرمينالدارى. ولار ارقىلى پاسپورتقا نەمەسە كۋالىككە 5-10 مينۋت ىشىندە تاپسىرىس بەرۋگە بولادى. بيومەتريا جانە QR تولەمى سەرۆيسى قولدانىلادى. 9 اي ىشىندە استانا مەن الماتىداعى 12 تەرمينال ارقىلى 11,5 مىڭنان استام ءوتىنىش قابىلدانعان. كەلەسى جىلى رەسپۋبليكا بويىنشا تاعى 26 تەرمينال ورناتامىز»، - دەدى ول.
كورپوراتسيا ءتوراعاسى ەكىنشى جوبا رەتىندە قاعاز اينالىمىن بارىنشا ازايتۋدى اتادى.
ونىڭ ايتۋىنشا، بارلىق قىزمەتتەن سوڭ قولحات بەرۋ توقتاتىلدى. قولحاتتار مەن 78 قىزمەت بويىنشا وتىنىشتەر ەلەكتروندى فورماتقا كوشكەن.
49 قىزمەت بويىنشا ناتيجەنى س م س- پەن، ياعني ورتالىققا بارماي- اق الۋعا بولادى. بۇل باعىتتا جۇمىس جالعاسادى.
«ءۇشىنشى جوبا — 24/7 پوستاماتى. پوستامات ارقىلى قىزمەتتىڭ ناتيجەسىن تاۋلىك بويى الۋعا بولادى. استانا قالاسىندا پيلوتتىق پوستامات ورناتىلىپ، ول ارقىلى 1734 قۇجات بەرىلدى. جىلدىڭ سوڭىنا دەيىن 9 وڭىردە تاعى 14 پوستامات ورناتۋ جوسپارلانىپ وتىر»، - دەدى ارمان كەنجەعاليەۆ.
اۆتور
مارلان جيەمباي
