استىق نارىعىنداعى «سۇر يمپورت» 2024-جىلعى ەگىس ناۋقانىنا قاۋىپ توندىرەدى

بۇل جايىندا اۋىل شارۋاشىلىعى مينيسترلىگىنەن ءمالىم ەتتى، دەپ حابارلايدى Kazinform.

«سوڭعى بىرنەشە جىلدا قازاقستاندىق استىق نارىعى «سۇر يمپورتتىڭ» زاڭسىز اكەلىنۋىنەن زارداپ شەكتى. بۇل قازاقستاندىق فەرمەرلەردىڭ قارجىلىق جاعدايىنا كەرى اسەرىن تيگىزدى. كرەديتورلار الدىنداعى مىندەتتەمەلەردى ۋاقتىلى ورىنداماۋ جانە جالپى العاندا 2024-جىلعى ەگىس ناۋقانىنا قاۋىپ توندىرەدى. تومەن دەمپينگتىك باعامەن يمپورتتالاتىن رەسەيلىك ءبيدايدىڭ ايتارلىقتاي كولەمى ىشكى نارىققا ءبىرشاما قىسىم جاسادى. سونىڭ سالدارىنان ءبيدايىمىز سۇرانىسسىز قالىپ وتىر»، - دەلىنگەن مينيسترلىكتىڭ اگەنتتىكتىڭ رەسمي ساۋالىنا بەرگەن جاۋابىندا.

ۆەدومستۆونىڭ اتاپ وتۋىنشە، ءبيداي يمپورتىنىڭ «سۇر سحەماسى» مەن ونىڭ رەەكسپورتىنىڭ نەگىزگى تەتىگى - رەسەي فەدەراتسياسىنىڭ شەكارالاس وڭىرلەرىنەن اۆتوموبيل جانە تەمىرجول كولىگى ارقىلى زاڭسىز اكەلۋ.

«وسىعان وراي، اۋىل شارۋاشىلىعى ءمينيسترىنىڭ 2023-جىلعى 10- ساۋىردەگى بۇيرىعىمەن ءبيدايدى اۆتوموبيل كولىگىمەن اكەلۋگە تىيىم سالىندى. سونىمەن قاتار، ءبيدايدىڭ رەەكسپورتىنا باقىلاۋدى ودان ءارى كۇشەيتۋ ءۇشىن اۋىل شارۋاشىلىعى ءمينيسترىنىڭ 2023-جىلعى 25- قىركۇيەكتەگى 337№ بۇيرىعىمەن ءبيدايدى اۆتوموبيل كولىگىمەن اكەلۋگە تىيىم سالۋ ۇزارتىلىپ، شەكتەۋلەر ەنگىزىلدى. تەمىرجول ارقىلى ءبيداي يمپورتى دا ەنگىزىلدى. بۇل رەتتە استىق وڭدەۋشى كاسىپورىندارعا، قۇس شارۋاشىلىعى كاسىپورىندارىنا، سونداي-اق ليتسەنزيالانعان ەلەۆاتورلارعا تەمىر جول كولىگىمەن يمپورتتاۋ شەكتەلمەيدى»، - دەدى مينيسترلىكتەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى