اۋستراليادا كونفۋسي ينستيتۋتتارى جابىلىپ جاتىر

باسىلىمنىڭ جازۋىنشا، كەيىنگى جىلدارى اۋستراليا ۇكىمەتى كونفۋسي ينستيتۋتتارىنا باقىلاۋدى كۇشەيتكەن. سىناۋشىلار كونفۋسي ينستيتۋتتارى اكادەميالىق ەركىندىكتى شەكتەۋمەن بىرگە، قىتاي بيلىگىنىڭ ۋنيۆەرسيتەتتەردىڭ وقۋ باعدارلاماسىنا تەرىس ىقپال ەتۋىنە مۇمكىندىك تۋدىرادى دەپ جازعىرادى.

بەلگىلى بولعانداي، مەلبۋرن ۋنيۆەرسيتەتى، كۆينسلەند ۋنيۆەرسيتەتى، جاڭا وڭتۇستىك ۋەلس ۋنيۆەرسيتەتى (UNSW) جانە باتىس اۆستراليا ۋنيۆەرسيتەتى (UWA) كونفۋسي ينستيتۋتىن بىرلەسىپ باسقارۋ تۋرالى قىتاي جوعارى وقۋ ورىندارىمەن جاسالعان كەلىسىمشارتتاردىڭ مەرزىمى اياقتاعان سوڭ، ءتيىستى كەلىسىمدى ۇزارتپاۋعا شەشىم قابىلداعان.

ادەلايدا ۋنيۆەرسيتەتىنىڭ جانىنداعى كونفۋسي ينستيتۋتىنىڭ دا جابىلعانى تۋرالى اقپارات تارادى. الايدا ۋنيۆەرسيتەت باسشىلىعى بۇل جايىندا رەسمي مالىمدەمە جاساۋدان باس تارتتى.

رويال مەلبۋرن تەحنولوگيالىق ينستيتۋتى (RMIT) كونفۋسي ينستيتۋتىن 2021 -جىلى جاپقان بولاتىن.

قازىرگى ۋاقىتتا اۋستراليادا جەتى كونفۋسي ينستيتۋتى جۇمىسىن جالعاستىرىپ جاتىر. سيدنەي ۋنيۆەرسيتەتى ءوز جانىنداعى كونفۋسي ينستيتۋتىنىڭ ءالى دە اشىق ەكەنىن، ءبىراق قىتايدان قارجىلاي قولداۋ المايتىنىن مالىمدەدى. ينستيتۋت نەگىزىنەن ۇزدىكسىز ءبىلىم بەرۋ ورتالىعى ارقىلى قوعامعا قىتاي ءتىلى كۋرستارىن ۇسىنادى. كۆينسلەند تەحنولوگيالىق ۋنيۆەرسيتەتى ءتيىستى ماسەلەنىڭ كەلەسى جىلى قايتا قارالاتىنىن ايتتى.

اۆتور

ەرلان مازان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى